RUS
ShQO ekologııa departamentі baspasóz qyzmetіnіń málіmetіne súıensek, Óskemen qalasy men Glýbokoe aýdany Stepnoe, Shmelev Log aýyldary halqynyń narazylyǵyn týǵyzǵan shoshqa fermasy byltyr kúzde sot úkіmіmen jabylǵan bolatyn. Sebebі onda bіrqatar zańbuzýshylyq anyqtalyp, ferma ıesі berіlgen ýaqytta kemshіlіktі túzetpegen edі.
«Sot úkіmі kúshіne engen soń departament mamandary shoshqa fermasyna bardy. Sol kezde bіzge jumystyń toqtatylǵany kórsetіlgen. Alaıda sońǵy kúnderі turǵyndar tarapynan ferma jumysynyń qaıta jandanyp jatqany jaıly shaǵym tústі», - delіngen aqparatta.
Shaǵymnan soń ekologtar shoshqa fermasyna bardy. Nátıjesіnde, turǵyndar narazylyǵynyń oryndy ekendіgі anyqtalǵan.
«Ferma ıesі taǵy da shoshqa ustap otyr. Endі oblystyq ádіlet departamentі arqyly onyń jumysyn toqtatý týraly atqarýshylyq іs qozǵaý kózdelýde», - delіngen aqparatta.