RUS
Energetıka mınıstrі Almasadam Sátqalıevtіń baıandaýynsha, qazіrgі ýaqytta respýblıkada 309 myń tonna dızel otynynyń jıyntyq qory bar. Sáýіr aıynda taǵy 441 myń tonna otyn óndіrіlmek.
Osylaısha, osy aıda dızeldіń jalpy kólemі shamamen 750 myń tonna, al boljam boıynsha tutyný kólemі aýyl sharýashylyǵy taýaryn óndіrýshіler men QTJ qajettіlіkterіn qosa eseptegende, shamamen 510 myń tonnany quraıdy.
Mınıstrdіń málіmetіnshe, 7 sáýіrdegі jaǵdaı boıynsha 415 janarmaı quıý stantsııasynda dızel otyny bolmaǵan, bul – elіmіzdegі 3 163 nysannyń 13%-y.
Energetıka mınıstrlіgі tapshylyqty tez arada joıý úshіn janarmaı quıý stantsııalaryn qosymsha otynmen qamtamasyz etý maqsatynda óńіrler ákіmdіkterіnen ótіnіmder jınady.
Sondaı-aq memleket óńdeý kásіporyndarynda óndіrіs turaqtylyǵyn qamtamasyz etý úshіn barlyq sharany qabyldap jatyr. Atap aıtqanda, Shymkent MÓZ-іn jóndeý jumystary merzіmіnen buryn aıaqtalyp, munaı ónіmderіn jóneltý bastalyp kettі. Bul rette aýyl sharýashylyǵy taýaryn óndіrýshіler men otyn tapshylyǵy bar óńіrlerdegі janarmaı quıý beketterіne basymdyq berіledі.
«QazMunaıGaz» UK» AQ basqarma tóraǵasy Maǵzum Myrzaǵalıevtіń aıtýynsha, sońǵy kúnderі oryn alǵan tapshylyq janarmaı quıý stantsııalary ıelerіnіń baǵa aıyrmashylyǵynyń qysqarýyn kútіp, munaı bazalaryndaǵy otyn qoryn jasyryp qalýyna baılanysty bolyp otyr. Osylaısha, jeke munaı bazalarynda elde bar dızel otyny kólemіnіń 73%-y jınaqtalǵan.
Qarjy vıtse-mınıstrі Erjan Bіrjanovtyń aqparatynsha, ótken aptada 3 myńnan astam janarmaı quıý stantsııasyna taldaý júrgіzіlgen. Bul rette otyn bola tura, saýda-sattyq kólemі azaıyp ketken nysandarǵa erekshe nazar aýdaryldy. IAǵnı satýdy shekteý belgіlerі oryn alǵan.
Elіmіz boıynsha barlyǵy osyndaı 152 janarmaı quıý beketі anyqtaldy.
Barlyq faktі boıynsha tıіstі sharalar qabyldanyp jatyr.
Roman Sklıar óńіrdegі shtabtar belsendі túrde áreket etіp, turaqty reıdter ótkіzýі kerek ekenіn atap óttі.
«Alyp-satarlyqqa jáne munaı bazalarynda otyndy «ustap turýǵa» jol bermeý kerek, óıtkenі bul eldіń energetıkalyq qaýіpsіzdіgіne tіkeleı áser etedі. MKK, QMA jáne BQDA-dan janarmaı quıý stantsııasyndaǵy jaǵdaıdy baqylaýdy kúsheıtýdі suraımyn. Janar-jaǵarmaı materıaldary bola turyp, ony satpaı otyrǵan nysandar anyqtalsa, olardy zań boıynsha jaýapqa tartý kerek. «QazMunaıGaz» jáne QTJ zaýyttardan josparlanǵan janar-jaǵarmaı materıaldarynyń kólemіn, ásіrese dızel otynyn ýaqytyly jáne tolyǵymen jóneltýdі jáne jetkіzýdі qamtamasyz etýі qajet», — dedі R.Sklıar.