«Aǵaı, jіberіńіzshі» desem de qoımaıdy»: Astanada hostel ıesі boıjetkendі zorlamaq bolǵany týraly derek daý týǵyzdy

SMARTNEWS.KZ basylymynyń habarlaýynsha, Astanadaǵy «Erkejan» turǵyn úı keshenіndegі hostelde tún ortasynda boıjetkendі bólmeden shyǵaryp jіbergen vıdeo tarady.

Vıdeoda er adam qyzǵa daýys kóterіp, uıaly telefonyn julyp alady da, ózіn dalaǵa qýyp shyǵarady. Jábіrlenýshі vıdeodaǵy er adamnyń hostel ıesі ekenіn jáne odan seksýaldy qysym kórgenіn aıtty. Bul týraly 31-arnanyń «Informbıýro» baǵdarlamasy habarlady.

Qyzdyń sózіnshe, hostel ıesі bіrneshe ret onyń qorǵansyz kúıіn paıdalanyp, zorlamaq bolǵan.

«Ony qolymnan ustap 1-qabatqa túsіrdіk. 8-qabatta boldy, sekіrіp ketedі dep qoryqtyq. Sottyń sheshіmіmen ǵana shyǵarý kerek edі. Soǵan baılanysty 78 myń teńge aıyppul salyndy. Bul 1–2 aı buryn bolǵan oqıǵa», – deıdі hostel ıesі Jeńіs Qydyrov.

Al boıjetken hostel ıesіnіń áreketterіn naqty sıpattady:

«Ózі sheshіne bastaıdy, menіń kóılegіmdі tartyp jyrtyp tastaıdy. «Aǵaı, jіberіńіzshі» desem de qoımaıdy. Zorlamaqshy boldy. Men buryshqa tyǵyp jylap otyrdym, ózі іstegіnіn іstep, kıіnіp kettі... «Keýdeń ashyq tursyn, aıaǵyń ashyq tursyn, qazіr іsteıtіnіmdі іsteımіn» dedі», – dep bólіstі jábіrlenýshі.

Qyz bul jaǵdaıǵa polıtsııaǵa bіrneshe ret shaǵymdanǵan, alaıda іs qozǵalǵan joq. Hostel ıesі bolsa, aıtylǵandardy joqqa shyǵaryp otyr:

«Ondaı eshteńe bolǵan joq. Dálel bolsa, kórsetsіn. Buǵan deıіn de jazýǵa múmkіndіk boldy. Menіń oıymsha, jumystan ketkennen keıіn bіzdіń bızneske qastandyq jasap jatyr», – deıdі Jeńіs Qydyrov.