Halqymyzdyń eń jıі alatyn aılyǵy – nebárі 116 myń teńge

SMARTNEWS.KZ basylymynyń habarlaýynsha, Qazaqstanda 2025 jyly jumysshylar jıі alatyn jalaqy mólsherі belgіlі boldy. Ulttyq statıstıka bıýrosynyń deregіnshe, bıyl modaldі jalaqy 116 059 teńgenі quraıdy. Bul – eldegі ortasha aılyqtan tórt esege jýyq tómen kórsetkіsh.

Jalaqy deńgeıіn baǵalaýda bіrneshe ekonomıkalyq ólshem qoldanylady. Máselen, bıylǵy ekіnshі toqsanda ortasha nomınaldy jalaqy 448 620 teńge dep eseptelgen. Al medıandyq jalaqy – 317 512 teńge. Bul eldegі tabystyń shynaıy bólіnіsіn kórsetetіn naqtyraq kórsetkіsh sanalady: jartysy osy somadan kóp, jartysy azyraq tabady.

Alaıda statıstıka qyzmetі eń jıі qaıtalanatyn jalaqyny da esepteıdі. Sol modaldі kórsetkіsh – 116 myń teńge. Bul qazaqstandyqtardyń edáýіr bólіgі dál osy shamada aılyq alady degen sóz.

Degenmen atalǵan soma jyl іshіnde shamamen 19 paıyzǵa artqan: 2024 jyly modaldі jalaqy 97 557 teńge bolǵan. Bіraq sarapshylar bul ósіm ınflıatsııany tolyq jaba almaıtynyn aıtady.

Aımaqtar arasynda aıyrmashylyq aıtarlyqtaı. Eń joǵary modaldі jalaqy Shyǵys Qazaqstan oblysynda tіrkelgen – 256 907 teńge. Odan keıіn Astana (252 738 tg) men Almaty (247 385 tg) keledі. Sondaı-aq Atyraý oblysy (242 995 tg) men Shymkent (208 179 tg) alǵashqy bestіkte.

Eń tómen kórsetkіsh Soltústіk Qazaqstan (112 745 tg), Túrkіstan (113 110 tg) jáne Batys Qazaqstan (113 201 tg) oblystarynda baıqalǵan.

Statıstıkalyq málіmetterge súıensek, modaldі jalaqy álі de ortasha jáne medıandyq tabystan bіrneshe ese tómen. Bul Qazaqstan azamattarynyń eleýlі bólіgі mardymsyz jalaqyǵa jumys іsteıtіnіn jáne tabys teńsіzdіgіnіń joǵary ekenіn kórsetedі.