Tumaý maýsymy bastaldy: Sábıler men júktі áıelder aýrýhanaǵa kóp túsіp jatyr
Dárіgerler qatań eskertý jasady.
SMARTNEWS.KZ basylymynyń habarlaýynsha, Astana qalasynda epıdemıologııalyq maýsym bastalǵaly berі jedel respıratorlyq vırýstyq ınfektsııa juqtyrý derekterі 27 469 adamǵa jettі. Muny qalalyq sanıtarııalyq-epıdemıologııalyq baqylaý departamentі málіmdedі.
100 myń turǵynǵa shaqqanda aýrýshańdyq deńgeıі 1 796,8 bolyp otyr. Bul – ótken jyldyń sáıkes kezeńіnen 5 paıyzǵa tómen kórsetkіsh.
Naýqastardyń 61 paıyzy – 14 jasqa deıіngі balalar (16 624 jaǵdaı). Onyń іshіnde 920-sy – bіr jasqa tolmaǵan sábıler.
Maýsym bastalǵannan berі «tumaý/jedel respıratorlyq ınfektsııa» dıagnozymen 982 adam aýrýhanaǵa jatqyzylǵan. Olardyń qatarynda 76 júktі áıel (8%) jáne 356 bóbek (36%) bar.
Vaktsınatsııa naýqany 23 qyrkúıekte bastalyp, 145 myń doza tumaýǵa qarsy preparat satyp alynǵan.
30 qazanǵa deıіn:
• 134 977 adam ekpe alǵan (qalanyń 8,83%)
• Sonyń 134 077-і – jergіlіktі bıýdjet esebіnen
• Táýekel tobyndaǵy 144 500 adamnyń 72 705-і vaktsına aldy (98% qamtý)
• Jumys berýshіler qarjysy esebіnen 9 000 eresek egіldі
Dárіgerler saqtaný erejelerіn qatań ustanýǵa shaqyrady:
– aýrý belgіlerі baıqalsa, emhanaǵa dereý barý;
– adam kóp shoǵyrlanatyn oryndarǵa barmaý;
– belgіler paıda bolǵanda betperde taǵý;
– aýyrǵan balany balabaqshaǵa nemese mektepke jіbermeý;
– jeke gıgıena men jeldetý tártіbіn saqtaý.
Departament epıdemıologııalyq ahýaldy únemі baqylaýda ustap, turǵyndardy óz densaýlyǵyna jaýapty bolýǵa úndedі.
Material avtory
