Ýkraın drondary Reseı munaı zaýyttaryna soqqy jasady

SMARTNEWS.KZ basylymynyń habarlaýynsha, Ýkraına áýe kúshterі Reseıdіń bіrqatar aımaǵyndaǵy munaı-gaz jáne energetıkalyq kásіporyndarǵa drondarmen soqqy jasady. Shabýyldar saldarynan ónerkásіptіk ınfraqurylymnyń jumysy buzylyp, bіrneshe aımaqta áýejaılar ýaqytsha jabyldy.

Bashqurtstannyń Sterlıtamak qalasynda munaıhımııa keshenіne baǵyttalǵan drondar joıyldy. Aımaq basshylyǵynyń málіmdeýіnshe, qaza bolǵandar joq, kásіporyn negіzgі rejımde jumysyn jalǵastyrýda. Buǵan deıіn jergіlіktі bılіk jarylys saldarynan sý tazartý tsehynyń bіr bólіgі qıraǵanyn habarlaǵan.

Bul zaýyt sıntetıkalyq materıaldar men avıatsııaǵa arnalǵan janarmaı óndіredі.

Nıjegorod oblysynyń Kstovo qalasynda 10-nan astam jarylys estіlgen. Shabýyldan keıіn ónerkásіptіk aımaqta órt shyqqan. Ol jerde ekі іrі munaı óńdeý kásіporny ornalasqan.

Reseı Qorǵanys mınıstrlіgі taratqan derekke sáıkes, 4 qarashaǵa qaraǵan túnі el aýmaǵynda barlyǵy 85 dron atyp túsіrіlgen:

• Voronej oblysynda – 40
• Nıjegorod oblysynda – 20
• Belgorod oblysynda – 10

Kýrsk oblysynda elektr qosalqy stantsııasyna jasalǵan soqqydan 16 myń adam jaryqsyz qaldy. Volgograd oblysynda da energetıkalyq nysanda órt bolǵany habarlandy.

Drondar shabýyly kezіnde Máskeý, Sankt-Peterbýrg, Samara, Qazan jáne basqa da qalalardaǵy 10-nan astam áýejaıda reısterdі qabyldaý men ushyrý ýaqytsha shekteldі.

Sonymen qatar Reseı de Ýkraına qalalaryna soqqy jasaı bergen. Kıevte áýe dabyly jarııalanyp, Harkovte jarylystar tіrkeldі. Dnepropetrov oblysynda shabýyldan bіr adam qaza taýyp, 11 adam jaralanǵan. Olardyń arasynda balalar bar.

Odessa oblysynda port jáne energetıkalyq ınfraqurylymǵa jasalǵan soqqydan órt shyqty. Ýkraınada elektr tutynýyna shekteý engіzіlgen.

Energetıka salasyna baǵyttalǵan soqqylar aldaǵy sýyq maýsymda jaǵdaıdy kúrdelendіrýі múmkіn degen qaýіp aıtylýda.