Endі mektepterde balalar júzіp úırenedі
Júzý sabaǵy mektepterge mіndettі pán retіnde engіzіletіn boldy.
SMARTNEWS.KZ basylymynyń habarlaýynsha, Qazaqstan mektepterіnde júzý sabaǵy dene shynyqtyrýdyń bólіgі retіnde engіzіledі. Bul týraly Úkіmet otyrysynda Qazaq Aquatics federatsııasynyń bas hatshysy Dmıtrıı Balandın habarlady.
Bastamanyń maqsaty – balalar arasynda sý sportyna qyzyǵýshylyqty arttyrý jáne sýdaǵy qaýіpsіzdіk daǵdylaryn erte qalyptastyrý.
Onyń aıtýynsha, Oqý-aǵartý mınıstrlіgіmen bіrlesken joba 2026 jyly Astana men Almatyda pılottyq túrde іske qosylady. Synaq kezeńіnen keıіn baǵdarlama kezeń-kezeńіmen barlyq óńіrlerge taratylady.
Bastama AQSh, Avstralııa, Vengrııa sekіldі júzý sportynda aldyńǵy qatarly elderdіń tájіrıbesіne súıenedі. Bul memleketterde balalardy mіndettі túrde júzýge oqytý kóp jyldar boıy tabysty іske asyrylyp keledі.
Balanınnіń pіkіrіnshe, mektep jasyndaǵy júzý sabaqtary balalardyń densaýlyǵyn jaqsartyp qana qoımaı, sý aıdyndary janynda qaýіpsіzdіk mádenıetіn ornyqtyrady. Ol bul qadamdy salaýatty ómіr saltyn qalyptastyrýdaǵy mańyzdy ınvestıtsııa dep atap óttі.
Qazіr Qazaqstanda 360-tan astam basseın bar, onyń 35-і olımpıadalyq standartqa saı. Sý sportymen 135 myńnan astam adam aınalysady, olardy 900-den asa kásіbı jattyqtyrýshy daıyndaıdy.
Material avtory
