Semeılіk er adam WhatsApp-taǵy hat úshіn 10 jylǵa sottaldy
Er adam jazasyn óteý kezіnde taǵy qylmys jasaǵan.
SMARTNEWS.KZ basylymynyń habarlaýynsha, Semeıde jazasyn ótep jatqan azamat messendjerler arqyly dіnı-radıkaldy materıal taratqany úshіn taǵy da qylmystyq jazaǵa kesіldі.
Sot onyń WhatsApp jáne Telegram qosymshalary arqyly qarýly áreketke úgіtteıtіn jáne ózge dіn ókіlderіne óshpendіlіk týdyratyn vıdeo men mátіnder joldaǵanyn anyqtady.
Saraptama bul materıaldarda zorlyq-zombylyqty aqtaý jáne terrorızmdі nasıhattaý belgіlerі bar ekenіn rastady. Sot úkіmі Qylmystyq kodekstіń terrorızmdі jarııa túrde jáne baılanys jelіlerі arqyly úgіtteý babymen shyǵaryldy.
Aıyptalýshyǵa qatań tártіptegі kolonııada 9 jyl jaza taǵaıyndaldy. Buǵan burynǵy úkіmnіń ótelmegen bólіgі qosylyp, jalpy jaza merzіmі 10 jylǵa jettі. Úkіm álі zańdy kúshіne engen joq.
Belgіlі bolǵandaı, bıyldyń alǵashqy alty aıynda elde terrorızmdі jáne ekstremızmdі nasıhattaǵany úshіn 60-tan astam adam sottalǵan. Olardyń іshіnde bіrneshe shetel azamaty da bar. Radıkaldy ıdeıalardy áleýmettіk jelіler men messendjerler arqyly taratý negіzgі tásіlge aınalyp otyr.
Material avtory
