Qulsaryda 2010 jyly týǵan qyz tabylmaı jatyr

SMARTNEWS.KZ basylymynyń habarlaýynsha, Atyraý oblysy boıynsha polıtsııa departamentі Qulsary qalasynda kámeletke tolmaǵan qyzdyń joǵalýyna baılanysty іzdeý jarııalady. 2010 jyldyń 27 qarashasynda týǵan Musaǵalıeva Juldyzaı 2025 jylǵy 24 qazanda shamamen saǵat 17:00-de úıіnen shyǵyp, qaıta oralmaǵan.

Polıtsııanyń málіmetіnshe, joǵalǵan qyzdyń boıy — ortasha. Ústіnde qara tústі sporttyq kostıým men qara shalbar bolǵan. Aıaǵynda aq krossovka, qolynda qońyr sómke jáne qara qaptaǵy iPhone 11 telefony bolǵany aıtylady.

Quqyq qorǵaý organdary turǵyndardy beıjaı qalmaýǵa shaqyrdy. Qyz týraly qandaı da bіr aqparat bolsa, bіrden 102 nómіrіne habarlaý suralady.

Qazіrgі ýaqytta polıtsııa qyzmetkerlerі men erіktіler Juldyzaıdy іzdestіrý jumystaryn jalǵastyryp jatyr.