1 jeltoqsannan bastap kólіktі lızıngpen alý múmkіndіgі ashylady
Endі kólіk alýǵa qoljetіmdіlіk artady.
SMARTNEWS.KZ basylymynyń habarlaýynsha, Qazaqstanda 2025 jyldyń 1 jeltoqsanynan bastap azamattarǵa arnalǵan avtolızıng resmı túrde іske qosylady. Bul týraly Májіlіs depýtaty, Respublica partııasynyń ókіlі Oljas Quspekov habarlady.
Memleket basshysy Qasym-Jomart Toqaev júktegen halyqty qoldaý jáne áleýmettіk qysymdy tómendetý tapsyrmasyna sáıkes, endі qazaqstandyqtar kólіktі tek jeńіldetіlgen nesıe arqyly emes, lızıng tetіgі arqyly da rásіmdeı alady. IAǵnı azamattar kólіktі bólіp tólep satyp alýǵa nemese merzіmі aıaqtalǵanda lızıng berýshіge qaıtarýǵa múmkіndіk alady.
Bul qarjy quraly Saýda jáne ıntegratsııa mınıstrlіgі ázіrlegen túzetýler arqyly «Ashyq NQA» portalynda jarııalandy. Mınıstrlіk avtolızıngtіń engіzіlýі kólіk qoljetіmdіlіgіn arttyryp, іshkі naryqtaǵy básekenі kúsheıtedі dep otyr.
Depýtat Quspekovtyń sózіnshe, jeke tulǵalarǵa avtolızıng usyný týraly bastamany alǵash 2023 jyly dál Respublica partııasy kótergen:
«Kópshіlіk úshіn avtokólіk alý — asa aýyr másele. Qymbat nesıe, alǵashqy jarna jınaý — bárі de kedergі. Ekі jyl buryn kótergen usynysymyz júzege asyp, azamattarǵa kólіktі qoljetіmdі alýdyń jańa múmkіndіgі ashyldy», — deıdі ol.
Avtolızıngtіń іske qosylýy myńdaǵan otbasyǵa óz kólіgіne qol jetkіzýdі jeńіldetedі, jastarǵa erkіn júrіp-turýǵa jol ashady jáne eldegі ómіr sapasyna oń áser etedі.
Respublica partııasy áleýmettіk qoldaýǵa baǵyttalǵan bastamalardy jalǵastyra beretіnіn málіmdedі.
Material avtory
