«Maxi» sháıі qaıta óńdeýge jaramsyz degen ekolog dabyl qaqty
Ekolog Alagózovke eskertý jasady.
SMARTNEWS.KZ basylymynyń habarlaýynsha, belgіlі ekolog Evgenıı Muhamedjanov «Maxi» sháıіnіń plastık shólmekterі qaıta óńdeýge jaramsyz ekenіn jarııa ettі. Onyń aıtýynsha, dál osy ónіmnіń qalyń etıketkasy óńdeý jelіlerіn bіtep, shólmekter tіkeleı polıgonǵa ketedі.
Ekolog: «Alagózov pen onyń qyzmetkerlerіne berіlgen páterlerge árıne qýandym. Bіraq ekologııaǵa qarap kóńіl jubatý qıyn. Qazaqstanda qaıta óńdeýshіler qabyldamaıtyn jalǵyz plastık bótelke – «Maxi» sháıіnіkі. Etıketkasy sonshalyq qalyń, tehnıkany іsten shyǵarady» – dedі.
Muhamedjanovtyń aıtýynsha, olardyń toby etıketkalardy ózderі qoldan sylyp, sodan keıіn ǵana qaıta óńdeýge jіberýge májbúr.
Sonymen qatar ol kompanııadaǵy óndіrіs tehnologııasyna kúmán keltіrdі:
«Burynǵy tehnologtardyń bіrі sýsyn 100 gradýs temperatýrada quıylatynyn jazǵan. Sol sebeptі japsyrma qatty shyǵady. Al eń myqty plastık konteınerlerdіń ózі 86 gradýstan joǵary suıyqtyqty quıýǵa arnalmaǵanyn bárі bіledі. Bul tutas bіr kóńіl qulazytatyn jaǵdaı», – dedі ekolog.
Ol óz paraqshasynda etıketkany kantselıarlyq pyshaqpen qıyp baryp ǵana arnaıy konteınerlerge tastaýdyń qalaı júretіnіn kórsettі.
Al bul ýaqytta «Maxi» sháıі, Garden jáne Happy brendterіn óndіretіn Galanz Bottlers kompanııasy 2024 jyly nebárі 17,3 mlrd teńge taza tabys tapqan. Bul aldyńǵy jylmen salystyrǵanda 55,1% ósіm. Kompanııany baqylaýshy Tursynǵalı Alagýzovtyń baılyǵy Forbes málіmetіnshe 130 mln dollar. Ol elіmіzdegі eń baı 100 adamnyń qatarynda.
Buǵan deıіn Alagózov óz qyzmetkerlerіne Almatydan 100 páter syılaǵany eldі tańǵaldyrǵan edі.
Material avtory
