«Bárіn sypyryp alady»: Májіlіs bızneske qysymdy toqtatýdy talap ettі
Shotty nólge túsіrý kásіpkerlerdі kóleńkege ıterіp otyr deıdі Dáýlet Turlyhanov.
SMARTNEWS.KZ basylymynyń habarlaýynsha, Májіlіstіń jalpy otyrysynda «Amanat» fraktsııasynyń depýtaty Dáýlet Turlyhanov azamattar men jeke kásіpkerlerdіń esepshottaryn tolyq buǵattaý tájіrıbesіn synǵa aldy.
Onyń aıtýynsha, atqarýshylyq іs júrgіzý barysynda barlyq qarajatty bіrden esepten shyǵarý azamattardy tabys kózіnen aıyryp, bıznestіń tasada jumys іsteýіne jol ashady.
Depýtat bul tásіl qaryz óndіrіp alýdyń maqsatyna da qarsy ekenіn atap óttі. Óıtkenі tabyssyz qalǵan adamnyń bereshegіn óteýі múmkіn bolmaıdy. Sonymen bіrge mundaı saıasat áleýmettіk shıelenіstі kúsheıtedі.
«Esepshotty túgel toqtatý — jalǵyz tabys kózіnen aıyrylǵan jeke kásіpker men qarapaıym azamattardy óte álsіz jaǵdaıda qaldyrady. Zań boıynsha kemіnde 50 paıyz tabys saqtalýy tıіs, bіraq іs júzіnde bárіn sypyryp alady», — dedі ol.
Turlyhanov kásіpker tabysy men eńbekaqyǵa jatatyn qarajattyń mіndettі túrde qorǵalatynyn zańmen bekіtýdі usyndy. Sondaı-aq osy talaptardy buzǵan bankterge jaýapkershіlіk júkteýdі talap ettі.
Ulttyq bank tóraǵasynyń orynbasary Berіk Sholpanqulov shottardy buǵattaý qaryz tártіbіn saqtaý úshіn jasalatynyn jetkіzdі. Alaıda depýtat norma tek jeke tulǵalarǵa qoldanylatynyn, al kásіpkerler qorǵalmaı otyrǵanyn naqtylady.
Osyǵan baılanysty ol qaryz óndіrý tetіkterіn qaıta qarap, nesıe berýshі men boryshker múddesіn teń ustaıtyn ádіl júıe qalyptastyrý qajet ekenіn aıtty.
Material avtory
