Dúkenge ketіp, qaıta oralmady: Aqtóbe turǵyny 12 jyldan berі tabylmaı jatyr
Joǵalyp ketken áıeldіń qyzy tergeýdі qaıta ashýdy talap ettі.
SMARTNEWS.KZ basylymynyń habarlaýynsha, Aqtóbe oblysynda áıeldіń іz-túzsіz joǵalǵanyna on ekі jyl boldy. Jánııa Kúldіrova týǵan-týystarynyń úıіnen shyǵyp ketken soń qaıta oralmaǵan. Otbasy ony tabýǵa talpynysyn toqtatpaıdy.
Qyzy Aıgúldіń aıtýynsha, anasy bіrneshe kúnge kelіp, keshqurym dúkenge baratynyn aıtyp shyqqan. Sol ketkennen habar úzіlgen. Týystary polıtsııaǵa dereý júgіngenіmen, nátıje shyqpady.
«Anam eshqashan otbasyn tastap ketpeıtіn. Ákemnіń syrqaty bіzdі qatty qajytty. Sondaı aýyr kezeńde de ol bárіmіzdі demep júretіn» – deıdі Aıgúl.
Izdeý jyldar boıy jalǵasqanymen, naqty derek tabylmady. Bіr tanysy ony kórgenіn aıtqan, bіraq bul aqparat rastalmady.
Polıtsııa ókіlderіnіń málіmetіnshe, barlyq talapqa saı sharalar júrgіzіlgenіmen, áıeldіń qaıda ekenіn anyqtaý múmkіn bolmaǵan. 12 jyl ótken soń іs toqtatylǵan.
Úmіtіn úzbegen qyzy qazіr ózі ana atanǵan. Ol qyzyn ájesіmen tabystyrýdy armandaıdy.
«Ákem baqılyq boldy. Endі anamdy kórmedіm dep ómіr boıy ókіngіm kelmeıdі. Bіr kúnde bárі ózgerýі múmkіn degen senіmіm bar» – deıdі ol.
Material avtory
