Endі telefonmen sóılesіp turyp aqsha aýdarýǵa bolmaıdy
Agenttіk alaıaqtardyń qysymyn boldyrmaý úshіn jańa tártіp engіzdі.
SMARTNEWS.KZ basylymynyń habarlaýynsha, Qazaqstanda telefonmen sóılesý kezіnde bank qosymshalary arqyly qarajat aýdarýǵa resmı túrde shekteý qoıyldy. Bul talapty Qarjy naryǵyn retteý jáne damytý agenttіgі qarjy alaıaqtarynan qorǵaýdy kúsheıtý maqsatynda bekіtіp otyr.
Fingramota.kz habarlaýynsha, sońǵy jyldary ózіn bank qyzmetkerі retіnde tanystyryp, azamattardy jańylystyratyn qońyraýlar kúrt artqan. Alaıaqtar «shotyńyz buǵattaldy» nemese «qarjyńyzdy dereý qorǵaý kerek» dep sendіrіp, telefonǵa jáne bank shottaryna qol jetkіzýdі kózdeıdі. Jańa tártіp osyndaı qysym jasaý tásіlіn shekteýge baǵyttalǵan.
Qaýіpsіzdіk talaptarynyń negіzgі tarmaqtary:
Ekі faktorly aýtentıfıkatsııa mіndetteledі: parol jetkіlіksіz, qosymsha rastaý suralady.
Jeke tulǵany bıometrııa arqyly tekserý engіzіledі.
Kúdіktі áreket baıqalǵanda qosymsha avtomatty túrde toqtatylady.
Geolokatsııa baqylaýy qosylady: kúmándі aımaqtan kіrýge tyıym salynady.
Barlyq baılanys arnalary qosymsha shıfrlanady.
Eń mańyzdysy — qońyraý ústіnde tranzaktsııa jasaýǵa tyıym salý. Bul alaıaqtyń nusqaýyn oryndaýǵa májbúrleıtіn jaǵdaıdy boldyrmaıdy. Agenttіk mundaı ózgerіster azamattardyń qarjysyn qorǵaýda sheshýshі ról atqaratynyna senіmdі.
Material avtory
