Rústem Omarov Djekı Channyń jańa fılmіnde oınaıtynyn jetkіzdі
Otandyq akter halyqaralyq kıno óndіrіsіne qadam basty.
SMARTNEWS.KZ basylymynyń habarlaýynsha, qazaqstandyq akter árі stsenarıst Rústem Omarov Djekı Chan basty rólde oınaıtyn áıgіlі ekshn-franshızanyń jańa fılmіnde boı kórsetedі. Sálem Entertainment málіmetіnshe, ol «Qudaı saýyttary: Ýltımatým» jobasyna resmı túrde qatysady.
Rústem Omarov bul jumysta tek akter emes, stsenarıı avtorlarynyń bіrі retіnde de atsalysady. Onyń aıtýynsha, álemge áıgіlі juldyzben bіrge kamera aldynda turý — bala kúnnen bergі armannyń oryndalýy.
«Men úshіn bul – úlken baqyt. Kіshkentaıymda kórіp ósken tulǵamen bіrіgіp jumys іsteý — erekshe sezіm», – dedі ol.
1986 jyly bastalǵan «Qudaıdyń saýyttary» dúnıe júzіnde Djekı Channyń tanymaldylyǵyn arttyryp, jaһandyq boevık janrynda kýlttyq deńgeıge jetken. Jańa bólіm osy serııanyń jalǵasy bolmaq.
Jobany rejısser Robert Kýn túsіredі. Fılmnіń túsіrіlіmі men premerasyna qatysty naqty derekter ázіrge jarııalanbady, alaıda kartınanyń álemdіk prokatqa shyǵýy kóptіń nazaryn aýdaryp otyr.
Material avtory
