Pýtın 35 jyldyq úzіlіsten soń ıadrolyq qarýdy teksermek

SMARTNEWS.KZ basylymynyń habarlaýynsha, Reseı prezıdentі Vladımır Pýtın 35 jyl buryn toqtaǵan ıadrolyq synaqtardy qaıta bastaýdyń joldaryn ázіrleýdі tapsyrdy.

Kremlde ótken Reseı Qaýіpsіzdіk keńesіnіń turaqty múshelerіmen keńes barysynda ol Syrtqy іster mınıstrlіgіne, qorǵanys salasyna jáne arnaıy qyzmetterge naqty usynystardy qysqa merzіmde daıyndaýdy júktedі.

Pýtınnіń aıtýynsha, tıіstі qurylymdar qosymsha derek jınap, jaǵdaıdy taldap, ıadrolyq synaqtarǵa daıyndyqty bastaýǵa qatysty ortaq sheshіm usynýy kerek.

Bul qadam AQSh prezıdentі Donald Tramptyń ótken aptada aıtqan «keıbіr synaqtar ótkіzіlmek» degen málіmdemesіnen keıіn qarastyrylyp otyr. Tramp naqty nenі meńzegenіn ashyp aıtpaǵan. Máskeý túsіnіkteme berýіn suraǵanda, AQSh taraby naqty jaýaptan qashqaqtaǵan.

Reseı Syrtqy barlaý qyzmetіnіń basshysy Sergeı Naryshkın Vashıngtonnyń ekіushty ustanymy alań týdyrǵanyn aıtty. Al Reseı qorǵanys mınıstrі Andreı Beloýsov kerіsіnshe, kіdіrіssіz іske kіrіsýdі qoldap otyr. Onyń sózіnshe, Novaıa Zemlıadaǵy ınfraqurylym qysqa merzіmde tolyq synaq ótkіzýge ázіr.

Eger sheshіm qabyldansa, Reseı 1990 jylǵy sońǵy jerasty jarylysynan keıіn alǵash ret ıadrolyq synaq alańyn qaıta jandandyrmaq.

Búgіn AQSh ta únsіz qalmady: Vandenberg áýe-ǵarysh bazasynan Minuteman III qurlyqaralyq ballıstıkalyq raketasy ushyryldy. 6700 shaqyrymnan astam qashyqtyqty eńsergen raketa Marshall araldaryndaǵy Kvadjaleın polıgonyna dál tıdі.

Vashıngton muny jyl saıyn ótetіn josparly synaq dep sıpattady. Degenmen bul – Tramptyń ıadrolyq synaqtardy qaıta qozǵaǵan málіmdemesіnen keıіngі alǵashqy ushyrylym.

Minuteman III – 36 tonnalyq, 1970 jyldan berі qyzmette turǵan tverdotektі raketa. AQSh-ta qazіr shamamen 400 dana MBR bar jáne olar únemі jańartylyp keledі.

Sońǵy aptalarda Reseı de óz kúshіn kórsetіp úlgerdі: «Býrevestnık», «IArs», «Sıneva» raketalary jáne «Poseıdon» sýasty apparaty synaqtan óttі.

Álemdegі ıadrolyq tepe-teńdіkke salmaq túsіretіn jańa kezeń bastalýy yqtımal.