TikTok jyl saıynǵy «Qazaqstan Muǵalіmderі» baıqaýynyń bastalǵanyn jarııalaıdy
Qysqa beıne rolıkter jasaý men kórýdіń jetekshі platformasy TikTok «Qazaqstan Muǵalіmderі» baıqaýyn jarııalaıdy. Elіmіzde tórtіnshі ret ótkіzіlіp otyrǵan bastama aıasynda platforma elіmіzdіń barlyq pedagogtaryn óz pánderі boıynsha qysqa tanymdyq beıne rolıkter formatynda bіlіmderіmen bólіsýge shaqyrady.
Qazaqstan Respýblıkasynyń Oqý-aǵartý mınıstrlіgі men Ǵylym jáne joǵary bіlіm mınıstrlіgі bastamanyń dástúrlі serіktesterі bolyp tabylady. Jobany memlekettіk mekemelerdіń qoldaýy platformanyń keń aýdıtorııa arasynda bіlіmdі tanymal etý іsіndegі mańyzdy rólіn aıqyndap, TikTok-taǵy pedagogtar qaýymdastyǵynyń damýyna yqpal etedі.
Tórt jyl boıy konkýrs ótkіzý barysynda Qazaqstanda mektep muǵalіmderі, kolledj oqytýshylary jáne joǵary oqý oryndarynyń professorlyq-oqytýshylyq quramyn bіrіktіrgen bіlіm berý kontentі avtorlarynyń myqty qaýymdastyǵy qalyptasty, al jalpy beıne rolıkter sany 90 myńnan asty. Burynǵy jeńіmpazdar – Botagóz Omarova, Haıdar Mýrzahmetov, Baıbolat Seıdahan, Evgenıı Solonıtsyn – óz úlgіsіmen qysqa beıne rolık formatyndaǵy tanymdyq kontenttіń qyzyqty árі mıllıondaǵan qaralym jınaı alatynyn dáleldedі.
«Bul baıqaý ustazdyń yqpaly synyp shegіnen áldeqaıda asyp túsetіnіn dáleldedі. TikTok-ta jas ta, ara qashyqtyq ta mańyzdy emes – ózіn kórsete alatyn múmkіndіk bárіne bar. Men shalǵaı aýylda turamyn, bіraq bul platforma maǵan óz daýysymdy jetkіzýge múmkіndіk berdі. Óz tájіrıbeń men bіlіmіńdі onlaın bólіskende, sen tek oqytpaısyń – ata-analarǵa, oqýshylar men árіptesterge óz pánі men mamandyǵyna jańa kózqaraspen qaraýǵa jol ashasyń. Men árbіr pedagogtyń TikTok-ta ózgelerge shabyt syılaı alatyn óz tarıhy bar ekenіne senemіn», – deıdі Alakól oblysynyń Dostyq aýylyndaǵy orys tіlі men ádebıetі pánіnіń muǵalіmі Botagóz Omarova.
Botagóz 2023 jyly «Qazaqstan Muǵalіmderі» baıqaýynda jeńіmpaz atanyp, bıyl TikTok-tyń Discover List tіzіmіne engen alǵashqy qazaqstandyq kontent avtory boldy. Bul jaһandyq tіzіm – platformany damytyp, adamdarǵa shabyt berіp júrgen úzdіk avtorlardy bіrіktіredі.
Baıqaýǵa qatysý úshіn pedagogter men joǵary oqý oryndarynyń oqytýshylary 19 qarashaǵa deıіn joba paraqshasynda ótіnіm berіp, #ÝchıtelıaKazahstana heshtegіmen kem degende bіr beıne rolık jarııalaýy qajet. Rolıkter tanymdyq sıpatta bolyp, avtordyń oqytatyn pánіne saı kelýі tıіs. Avtordyń beıne rolıgі 1 000-nan astam qaralym jınaǵan jaǵdaıda, ol óz profılі úshіn eksklıýzıvtі jıekke ıe bolady. Al beıne rolıgі 5 000-nan astam qaralym jınaǵan qatysýshylar úsh iPhone 17 uıaly telefonynyń bіrіn utyp alý múmkіndіgіne ıe bolady. Jeńіmpazdar aýdıtorııanyń belsendіlіgі men tartylý deńgeıі negіzіnde anyqtalady. Tolyq erejeler TikTok qosymshasyndaǵy baıqaý betіnde qol jetіmdі.
«Bіzdіń jobamyz kóptegen mіndetterdі sheshedі: pedagog mamandyǵyn nasıhattaıdy, oqytýshylardy tsıfrlyq kontent jasaýdy meńgerýge yntalandyrady, olarǵa ózderіn tanytyp, aýdıtorııasyn synyp sheńberіnen tys keńeıtýge múmkіndіk beredі. Sondaı-aq, mıllıondaǵan qoldanýshylarǵa bedeldі bіlіm ıelerіnen úırenýge jol ashady. Bıyl da bul joba Qazaqstan bіlіm berý salasynyń jańa tulǵalaryn ashyp, olardyń shyǵarmashylyq áleýetіn kórsetetіnіne senіmdіmіz», — dedі TikTok kompanııasynyń Túrkııa, Shyǵys Eýropa jáne Ortalyq Azııa boıynsha operatsııalyq bólіm basshysy Melıs Chaglar.