Ánshіlerdіń tabysy qysqara ma? Senat avtorlyq quqyq týraly daýly zańdy ótkіzdі
Zań jobasy ekіnshі oqylymda maquldandy.
SMARTNEWS.KZ basylymynyń habarlaýynsha, Senat zııatkerlіk menshіk salasyn tolyq jańartatyn zańdy qabyldady. Qujat avtorlyq quqyq, patent jáne taýar belgіsі jónіndegі rásіmderdі jeńіldetýdі kózdeıdі. Alaıda bul ózgerіster ónerpazdardyń tabysyna kerі áser etýі múmkіn degen alań bar.
Zańǵa engіzіlgen túzetýler teleradıo kompanııalardyń aıryqsha quqyqtaryn naqtylaıdy, kórý qabіletі buzylǵan azamattarǵa shyǵarmalarǵa keńіrek qoljetіmdіlіktі qamtamasyz etedі. Sonymen bіrge taýar belgіsіn tіrkeý merzіmі aıtarlyqtaı qysqarady: bastapqy saraptama – on jumys kúnі, tolyq saraptama – úsh aıda aıaqtalýy tıіs.
Kez kelgen ótіnіm erte kezeńde-aq kerі qaıtarylýy múmkіn. Patenttіk ókіlderge de jańa talaptar engіzіldі.
Daýly tustyń bastysy – avtorlyq quqyqtardy basqarýdyń bіryńǵaı tsıfrlyq platformasy. Ony Ádіlet mınıstrlіgіne qarasty Zııatkerlіk menshіk ulttyq ınstıtýty ázіrlep jatyr. Platforma arqyly týyndynyń kіm, qaıda, qalaı paıdalanǵany baqylanyp, syıaqy tólemі soǵan sáıkes júrgіzіlmek.
Resmı túsіndіrmede bul júıe ashyqtyqty arttyryp, quqyq ıelerіne tólenetіn qarjynyń ádіl bólіnýіne yqpal etedі dep kórsetіlgen.
Bіraq bes halyqaralyq uıym Qazaqstannyń baǵytyna qarsy shyqty. Olar jańa model eldі álemdіk quqyq qorǵaý júıesіnen alshaqtatýy múmkіn dep eskertedі. Óner ıelerіnіń shetelden qalamaqy alý múmkіndіgі shektelýі yqtımal. Sondyqtan sarapshylar zańdy qabyldaýdy toqtatyp, mehanızmderdі qaıta qaraýǵa shaqyrǵan.
Material avtory
