Endі bala sabaqta telefon paıdalanǵany úshіn ata-ana jaýap beredі
Balasynyń telefony úshіn ata-ana 5 AEK aıyppul tóleıdі.
SMARTNEWS.KZ basylymynyń habarlaýynsha, Qazaqstan mektepterіnde sabaq kezіnde smartfon qoldanýǵa tyıym salatyn norma resmı kúshіne endі. Bul talaptyń oryndalýyna endі oqýshy emes, tіkeleı ata-analar jaýapty. Bul týraly Senat dálіzіnde Oqý-aǵartý mınıstrlіgіnіń bіrіnshі vıtse-mınıstrі Maıra Meldebekova málіmdedі.
Zańda oqý protsesі barysynda uıaly telefon ustaýǵa ruqsat etіlmeıtіnі anyq jazylǵan. Eger oqýshy sabaq ústіnde smartfon paıdalansa, ata-anasyna aldymen resmı eskertý berіledі. Qaıtalap buzǵan jaǵdaıda – 5 aılyq eseptіk kórsetkіsh kólemіnde, ıaǵnı 19 660 teńge aıyppul salynady.
Meldebekovanyń aıtýynsha, mektepter quqyq buzýshylyqty tіrkep, materıaldy ýákіlettі organdarǵa jіberýge quqyly. Qazіrge deıіn mundaı hattamalar túspegenіmen, baqylaý tetіgі tolyq іske qosylǵan.
Mınıstrlіk bul sharanyń maqsaty – oqý sapasyna kedergі keltіretіn faktorlardy azaıtý jáne balalardyń sabaqqa zeıіnіn arttyrý ekenіn aıtady.
Material avtory
