Eldі adastyryp júrgen psıhologtar men koýchtardyń lıtsenzııasy tekserіlýі múmkіn

SMARTNEWS.KZ basylymynyń habarlaýynsha, Qazaqstanda psıhologtar men koýchterdіń qyzmetіn zańmen retteý usynyldy. Bul bastamany Senat depýtaty Amangeldі Esbaı kóterdі.

Onyń aıtýynsha, búgіngі tańda psıholog mamandar men ózіn «koých» dep tanytatyndardyń jumysyna baqylaý joqtyń qasy. Nátıjesіnde, kásіbı bіlіgі dáleldenbegen adamdardyń «keńesі» qoǵamǵa zııan keltіrіp otyr.

Senator eń aldymen otbasylarǵa túsken salmaqty atap óttі. Keıbіr sózіmtal keńester ata-analar men balalar arasyndaǵy senіmdі álsіretse, emotsııalyq zorlyq «tárbıe» degen jeleýmen tańylady. Bul — jaraqattyń, janjaldyń jáne otbasynyń ydyraýynyń sebebі.

Budan bólek, quzyrsyz koýchterdіń «mıllıoner bol», «oıyńdy programmala» degen ýádesі azamattardy nesıege táýeldі etedі. Osyndaı aldamshy trenıngterdіń saldarynan kóptegen adam qarjylyq tuzaqqa túsіp, qaryzdan kóz asha almaı júr.

Esbaıdyń sózіnshe, qazіr kóptegen koých qysqa kýrstar ótkіzіp, belgіsіz úlgіdegі sertıfıkat beredі. Qoldanatyn ádіstemeler de, kіrіs kólemі de ashyq emes. Olar kóbіne kóleńkelі jolmen tabys tabady: qolma-qol aqsha, kartaǵa aýdarym.

Depýtat bul jaǵdaı zańnyń álsіzdіgіnen qalyptasqanyn aıtyp, naqty shara usyndy: lıtsenzııalaý engіzý, ulttyq reestr qurý, mamandarǵa etıkalyq jáne qupııalylyq talaptaryn bekіtý. Sondaı-aq jeke psıhologtar men koýchterge tabysyn jarııalap, salyq esebіn júrgіzýdі mіndetteý qajet deıdі.

Senatordyń usynysy tıіstі vedomstvolarǵa joldandy. Al jaqynda Qarjy mınıstrlіgі azamattardyń banktіk shottary týraly málіmettі suratý tártіbіn bekіtý jobasyn jarııalaǵan edі. Bul da kóleńkelі tabysty baqylaýǵa baǵyttalǵan qadamdardyń bіrі.