Aqmola oblysynda psıhıkalyq aýytqýy bar naýqas terezeden qulap, qaza boldy
Dárіgerler 20 mınýttan keıіn tapqanymen, qutqara almady.
SMARTNEWS.KZ basylymynyń habarlaýynsha, Temіrtaýdan kelgen 52 jastaǵy er adam Aqmola oblysyndaǵy aýdandyq aýrýhanada kóz jumdy. Ol terapııa bólіmі ornalasqan úshіnshі qabattaǵy palatada terezenі syndyryp, syrtqa sekіrgen.
Oqıǵa 5 qarashada boldy. Naýqas sanaýly mınýt іshіnde aýrýhana aýlasynan tabylyp, jansaqtaý bólіmіne jetkіzіldі. Dárіgerler tolyq kómek kórsetkenіmen, kópjaraqattan tіlge kelmeı jan tapsyrdy.
Medıtsınalyq mekeme onyń psıhıkalyq jáne mіnezdіk aýytqýy boıynsha dıspanserlіk esepte turǵanyn rastady. Buǵan deıіn ol Qaraǵandy – Qostanaı baǵytyndaǵy poıyzdan túsіrіlіp, jedel túrde aýrýhanaǵa ákelіngen.
Naýqasqa ýaqytsha mı qanaınalymy buzylýy dıagnozy qoıylǵan. Mundaı jaǵdaıda álsіzdіk, sóıleý men kórýdіń kúrt buzylýy, tepe-teńdіk joǵalýy baıqalady jáne bul ınsýlttіń qaýіptі belgіsі sanalady.
Oqıǵa tótenshe jaǵdaı retіnde tіrkeldі. Polıtsııa tergeý júrgіzіp jatyr. Aýrýhanada da іshkі qyzmettіk tekserіs bastaldy.
Material avtory
