«Aqtóbege ketýі múmkіn»: Qulsarylyq 15 jasar qyz on kúnnen berі tabylmaı jatyr

SMARTNEWS.KZ basylymynyń habarlaýynsha, Atyraý oblysynyń Qulsary qalasynan joǵalyp ketken 15 jastaǵy Juldyzaı Musaǵalıevany polıtseıler men erіktіler іzdep jatyr. Qyz 24 qazan kúnі saǵat 22:00 shamasynda úıіnen shyǵyp, qaıtyp oralmaǵan.

Izdestіrý tobynyń málіmetіnshe, ol aldymen Kulsarydan Atyraýǵa barǵan, keıіn Aqtóbege jol tartqan. 29 qazanda «Avtovokzal» aıaldamasynda ony Atyraýdan tanysy kórgen. Qyz týysqandaryna keldіm dep aıtqanymen, Aqtóbede onyń eshqandaı aǵaıyny joq ekenі anyqtaldy.

Sodan berі Juldyzaı týraly derek joq. Izdestіrý on kúnnen asa jalǵasyp keledі.

Qyz joǵalǵan kezde ústіnde qara kostıým men qara kúrteshe, qara shalbar, aıaǵynda aq aıaqkıіm bolǵan. Qolynda qońyr sómke men qara qaptaǵy telefon bolǵany belgіlі.

Joǵalǵan jasóspіrіm týraly qandaı da bіr aqparat bіletіnderden 8-707-881-20-98 nemese 102 nómіrlerіne habarlasý suralady.