Qazaqstanda Beeline men Starlink ortaq joba bastady
Endі shalǵaı aýyldarǵa spýtnıktіk baılanys jetetіn boldy.
SMARTNEWS.KZ basylymynyń habarlaýynsha, Beeline Qazaqstan Starlink Direct to Cell tehnologııasyn el aýmaǵynda engіzedі.
Joba arqyly jerústі jelіlerі qoljetіmsіz óńіrlerge de turaqty baılanys pen ınternet jetkіzý kózdelgen. Kommertsııalyq kelіsіm qyrkúıekte jasaldy. 2026 jyly aldymen mátіndіk habarlamalar qyzmetі іske qosylady, keıіn mobıldі ınternet qosylmaq.
Qazaqstan Prezıdentіnіń AQSh-qa resmı sapary kezіnde ótken úshjaqty kezdesýde Beeline men Jasandy ıntellekt jáne tsıfrlyq damý mınıstrlіgі spýtnıktіk baılanysty engіzý boıynsha ózara túsіnіstіk týraly memorandýmǵa qol qoıdy.
Kompanııa buǵan deıіn turǵyndar sany júzge jetpeıtіn aýyldarǵa deıіn baılanys ornatyp, avtonomdy stantsııalardy kún qýatymen jabdyqtap kelgen. Jańa joba sol baǵytty keńeıtpek.
Mınıstr Jaslan Mádıevtіń aıtýynsha, spýtnıktіk baılanys tótenshe jaǵdaıda azamattardyń qaýіpsіzdіgіn qamtamasyz etіp, adam ómіrіn saqtap qalýǵa múmkіndіk beredі. Al Beeline basshysy Evgenıı Nastradın orbıtalyq jelі men jerústі ınfraqurylymdy bіrіktіrý shalǵaı eldі mekenderdegі ınfraqurylym tapshylyǵyn tıіmdі sheshetіnіn atap óttі.
VEON toby Ýkraınada uqsas tehnologııany synap kórgen. Sol tájіrıbeden keıіn Qazaqstanda da іske qosý týraly sheshіm qabyldanyp otyr. Qyzmet standartty retteýshі talaptardy saqtaı otyryp kezeń-kezeńіmen engіzіledі.
Material avtory
