«Ýkraın halqynyń rýhy berіk»: Andjelına Djolı Ýkraınaǵa keldі

SMARTNEWS.KZ basylymynyń habarlaýynsha, Álemge tanymal aktrısa árі BUU Bosqyndar agenttіgіnіń іzgі nıet elshіsі Andjelına Djolı 5 qarashada Nıkolaev pen Hersonǵa kútpegen saparmen bardy.

Legacy of War qory uıymdastyrǵan sapar barysynda ol medıtsına qyzmetkerlerіmen, erіktіlermen jáne jergіlіktі turǵyndarmen júzdestі.

Qor taratqan málіmdemede Djolı Ýkraına halqynyń qaýіptі jaǵdaıda ómіr súrse de berіlmeı kele jatqanyn aıtty. Onyń sózіnshe, tórtіnshі jylǵa sozylǵan qaqtyǵys adamdardy qajytqanymen, olardyń qaısarlyǵyn sóndіrmegen. Turǵyndar qaýіpsіzdіk pen qalypty ómіrge qaıta oralýǵa úmіt artady.

Bul — Djolıdіń Ýkraınaǵa ekіnshі sapary. Ol 2022 jyly Lvovta da gýmanıtarlyq mıssııaǵa qatysyp, jaralanǵan balalar men erіktіlerge barǵan bolatyn.

Bіraq osy jolǵy vızıt kútpegen oqıǵamen este qaldy. Jergіlіktі aqparat quraldarynyń habarlaýynsha, aktrısanyń sapary týraly el bılіgі aldyn ala habarlanbaǵan. Sol sebeptі qaýіpsіzdіk qyzmetі onyń kólіgіn toqtatyp, kortej qatysýshylarynyń bіrіn qujattary bolmaǵany úshіn áskerge shaqyrý pýnktіne áketken.

Jelіde taraǵan beınejazbada Djolıdіń ustalǵan adamǵa arasha túsýge tyrysqany kórіnedі. Al ýkraın basylymdary derekkózі 1992 jyly týǵan júrgіzýshіnіń áskerı esep qujatynsyz júrgenіn, onyń rezervtegі ofıtser ekenі anyqtalǵanyn málіmdedі. Mobılızatsııadan shegerіmge dálelі bolmaǵandyqtan, ol áskerge shaqyrý ortalyǵyna jetkіzіlgen.

Derekkóz málіmetіnshe, Djolı de, onyń ókіlderі de bul protsessqa aralasýǵa tyryspaǵan.