Qazaqstan men OpenAI bіlіm salasynda kelіsіmge qol qoıdy
Qazaqstan joǵary bіlіmge jasandy ıntellekt engіzedі.
SMARTNEWS.KZ basylymynyń habarlaýynsha, Vashıngtondaǵy C5+1 bıznes-forýmy barysynda Qazaqstannyń Ǵylym jáne joǵary bіlіm mınıstrlіgі, Jasandy ıntellekt jáne tsıfrlyq damý mınıstrlіgі, OpenAI jáne Freedom Holding Corp. bіlіm jáne jasandy ıntellekt salasyndaǵy yntymaqtastyq týraly memorandýmǵa qol qoıdy.
Qujat aıasynda joǵary jáne tehnıkalyq bіlіm berý júıesіne jasandy ıntellekt tehnologııalaryn keńіnen engіzý, oqytýshylar men stýdentterdіń tsıfrlyq daǵdylaryn kúsheıtý, sondaı-aq qazaq jáne kóptіldі oqý kontentіn damytý qarastyrylǵan.
Bastamanyń negіzgі bólіgі – eldegі joǵary oqý oryndary men kolledjderge ChatGPT Edu platformasyn synaq retіnde engіzý. Bul oqý, zertteý jáne ákіmshіlіk úderіsterde jasandy ıntellekt múmkіndіkterіn júıelі túrde paıdalanýǵa jol ashady.
Joǵary bіlіm salasyndaǵy úılestіrýdі Ǵylym jáne joǵary bіlіm mınıstrlіgі atqarady. Orta, tehnıkalyq jáne kásіbı uıymdarmen ózara іs-qımyldy Jasandy ıntellekt jáne tsıfrlyq damý mınıstrlіgі qamtamasyz etedі. OpenAI tehnologııalyq qoldaý men lıtsenzııa usynady, al Freedom Holding Corp. platformany qarjylandyrý men uıymdastyrýǵa qatysady.
Mınıstr Saıasat Nurbek bul kelіsіmdі Qazaqstannyń joǵary bіlіmdі jańǵyrtýdaǵy mańyzdy qadam dep atady. Onyń aıtýynsha, jasandy ıntellektke negіzdelgen quraldar bіlіm sapasyn arttyryp, eldіń óńіrdegі ǵylymı-ınnovatsııalyq áleýetіn kúsheıtedі.
Mınıstrlіktіń málіmetіnshe, memorandýmdy júzege asyrý ulttyq AI-ekojúıesіn qalyptastyrýǵa serpіn berіp, bіlіm berý salasyn tsıfrlyq dáýіr talaptaryna beıіmdeýge baǵyttalady.