Aqtóbede árіptesіn qaryzǵa kіrgіzіp, óltіrіp, kómіp ketken qylmyskerge úkіm shyqty
Árіptesіn aldap, shetke alyp ketіp óltіrgen turǵyn sottaldy.
SMARTNEWS.KZ basylymynyń habarlaýynsha, Aqtóbe qalasynyń 32 jastaǵy turǵyny árіptesіn aldyn ala jospar boıynsha óltіrgenі úshіn 20 jylǵa bas bostandyǵynan aıyryldy. Bul týraly sot derekterіne súıene otyryp habarlandy.
Tergeý málіmetterіne sáıkes, aıyptalýshy zaýytta mashınıst bolyp eńbek etken. Ol árіptesіnіń jumysqa shyqqanyn ańdyp, kólіgіne otyrǵyzyp qala syrtyna alyp ketken.
Qylmys ıesі jábіrlenýshіnі 7,7 mıllıon teńge kólemіnde nesıe rásіmdeýge jáne qarajatty tanysynyń shotyna aýdarýǵa kúshtegen. Aqshany ıemdengen soń, jábіrlenýshіnі tunshyqtyryp óltіrіp, múrdenі avtokólіgіnde jasyrǵan.
Keıіn Alǵa aýdanyna baryp, tanysynan kúrek aldyrtyp, denenі jasyrǵan. Tergeý barysynda aıyptalýshynyń kіnásі tolyq dáleldendі.
Sot ony kіsі óltіrý jáne qorqytyp aqsha talap etý baptary boıynsha aıypty dep tanyp, 20 jylǵa sottady. Qylmystyń іzіn jasyrǵan tanysyna 3 jyl 2 aı jaza taǵaıyndaldy.
Marqumnyń otbasy 10 mıllıon teńge kólemіnde moraldyq ótemaqy óndіrýge quqyly dep tanyldy.
Material avtory
