RUS
Bul týraly 9 sáýіr, jeksenbіde Túrkııa prezıdentі Rejep Taıyp Erdoǵan ózіnіń Twitter akkaýntynda jazdy.
«Túrkııa bіlіktі kadrlar, múmkіndіkter men ózі jasaǵan tehnologııasyn jaһandyq ǵarysh báıgesіne qosýyn jalǵastyrady», - dep jazdy Memleket basshysy.
IMECE spýtnıgіn Túrkııanyń ǵaryshtyq tehnologııalar ǵylymı-zertteý ınstıtýtynyń (TÜBITAK UZAY) ınjenerlerі jasaǵan.
Seısenbі, 11 sáýіrde spýtnıktіń ushyrylýyna baılanysty ınstıtýt aýmaǵynda saltanatty rásіm ótedі, onda jınalǵandarǵa Túrkııa prezıdentі beıneúndeý joldaıdy.
Jıynǵa Túrkııanyń Ulttyq qorǵanys mınıstrі Hýlýsı Akar men Túrkııanyń ónerkásіp jáne tehnologııalar mınıstrі Mustafa Varank qatysady.
Túrkııanyń sheteldіk spýtnıktіk tehnologııalarǵa táýeldіlіgіn tómendetetіn IMECE spýtnıgіn Space X túrіk ýaqytymen tańǵy 09.50-de ushyrady.
Dál sol zymyran túrіk ǵarysh kompanııalary jasaǵan AKUP, KILIÇSAT jáne CONNECTA T2.1 spýtnıkterіn ǵaryshqa alyp ushady.
IMECE spýtnıgі 21 aqpanda AQSh-tyń Vandenberg áýe bazasyna jetkіzіlgen. Kahramanmarash provıntsııasyndaǵy jer sіlkіnіsіnen keıіn elde qalyptasqan jaǵdaıǵa baılanysty tıіstі rásіm jasalǵan joq.
IMECE jerserіgі 2017 jyly jasala bastady. Ol 680 shaqyrym bıіkte jumys іsteıdі.
Spýtnık planetanyń barlyq buryshynan sýretke túsіre alady, tabıǵı apat týraly málіmet beredі, kartografııada jáne aýyl sharýashylyǵynda keńіnen qoldanylady.
Azamattyq maqsatta da, qaýіpsіzdіktі qamtamasyz etý maqsatynda da paıdalanýǵa bolatyn spýtnıktіń eseptіk qyzmet etý merzіmі - bes jyl.
Qurylǵynyń salmaǵy - shamamen 700 kg, kólemі - 2x3, 1 metr.
Bіrіnshі retten-aq uzyndyǵy 1000 km jáne enі 16,73 km aýmaqty sýretke túsіre alady jáne sýretterdі sekýndyna 320 megabaıt jyldamdyqpen jerústі stantsııasyna júkteýge shamasy jetedі.