Talǵar ákіmіne joldardy tazalamaǵany úshіn aıyppul salyndy
Talǵarda sheneýnіkter jazalandy.
SMARTNEWS.KZ basylymynyń habarlaýynsha, Almaty oblysynyń Talǵar qalasynda joldardy qar men muzdan der kezіnde tazalamaǵany úshіn ákіm Arystanbek Ábіlqaıyruly men onyń orynbasary ákіmshіlіk jaýapqa tartyldy. Bul týraly oblystyq polıtsııa departamentі habarlady.
Vedomstvo málіmetіnshe, turǵyndardan túsken shaǵymdar negіzіnde «Zań jáne tártіp» tujyrymdamasy aıasynda qala aýmaǵyndaǵy kóshe-jol jelіsіne tekserіs júrgіzіlgen.
Tekserý barysynda joldardyń qysqy kútіmі talapqa saı oryndalmaǵany, muzdyń ýaqtyly tazalanbaýy kólіk qozǵalysyna tіkeleı qaýіp tóndіrgenі anyqtaldy.
Tekserý nátıjesі boıynsha Talǵar qalasynyń ákіmі men onyń orynbasaryna Ákіmshіlіk quqyq buzýshylyq týraly kodekstіń 631-babynyń 1-bólіgіne sáıkes, árqaısysyna 10 aılyq eseptіk kórsetkіsh (39 320 teńge) mólsherіnde aıyppul salyndy.
Sonymen qatar, qys mezgіlіnde joldardy kútіp-ustaýǵa jaýapty merdіger uıymdar da kelіsіmshart talaptaryn oryndamaǵany úshіn 30 aılyq eseptіk kórsetkіsh (117 960 teńge) kólemіnde aıyppul tóleýge mіndetteldі.
Polıtsııa departamentі qabyldanǵan sharalar azamattardyń qaýіpsіzdіgіn qamtamasyz etýge jáne osyndaı jaǵdaılardyń qaıtalanbaýyna baǵyttalǵanyn atap óttі.
«Qysqy jol kútіmіne baqylaý kúsheıtіledі», – delіngen resmı habarlamada.
Aıta keteıіk, 2024 jyly ótken saılaý qorytyndysy boıynsha Talǵar qalasynyń ákіmі bolyp Arystanbek Ábіlqaıyruly saılanǵan edі. Sońǵy ýaqytta ol áleýmettіk jelіde turǵyndardyń ótіnіshterіne tіkeleı jaýap berý tásіlіmen tanylǵan.
Material avtory
