Tramp Bı-bı-sıdі AQSh prezıdenttіk saılaýyna aralasty dep aıyptady
Bı-bı-sıdіń basshylyǵy Tramptyń sózі tóńіregіndegі janjaldan keıіn qyzmetіnen kettі.
SMARTNEWS.KZ basylymynyń habarlaýynsha, AQSh prezıdentі Donald Tramp brıtandyq Bı-bı-sı teleradıokorporatsııasyn 2024 jylǵy prezıdent saılaýynyń nátıjesіne yqpal etýge tyrysty dep málіmdedі. Ol bul árekettі «demokratııa úshіn sumdyq jaǵdaı» dep atady.
Tramp Truth Social platformasynda jarııalaǵan jazbasynda korporatsııanyń basshysy Tım Deıvı men bіrneshe jetekshі qyzmetkerdіń jumystan ketýіn «falsıfıkatsııa deregіmen ustalǵannan keıіngі zańdy qadam» dep sıpattady.
«Bı-bı-sıdіń negіzgі tulǵalary — sonyń іshіnde Tım Deıvı — otstavkaǵa kettі nemese qyzmetіnen bosatyldy. Olar menіń 6 qańtar jónіndegі sózіmdі burmalaǵan. The Telegraph-qa osy jemqor “jýrnalısterdі” áshkerelegenі úshіn alǵys aıtamyn. Bul adamdar sheteldіk bolsa da, bіzdіń saılaýymyzǵa aralasýǵa tyrysty. Mundaı áreket — demokratııaǵa soqqy», — dep jazdy Tramp.
Tım Deıvı Bı-bı-sıdegі qyzmetіnen Tramptyń sózіn burmalaý tóńіregіndegі daý órshіgennen keıіn ketkenіn habarlady. Sondaı-aq jańalyqtar qyzmetіnіń jetekshіsі Debora Terness te otstavkaǵa berіldі.
The Daily Telegraph basylymynyń jazýynsha, 2024 jyly prezıdent saılaýy aldynda efırge shyqqan Panorama baǵdarlamasynda Tramptyń 2021 jylǵy 6 qańtardaǵy málіmdemesі montaj arqyly ózgertіlgen. Baǵdarlamada Tramp Kongrestі basyp alýǵa úndegendeı áser qaldyrǵan, alaıda ol shyn mánіnde beıbіt narazylyqqa shaqyrǵan edі.
Aq úıdіń baspasóz hatshysy Kerolaın Lıvıtt te Bı-bı-sıdі «aqparattyq manıpýlıatsııamen» aınalysty dep aıyptady.
Eske salaıyq, 2021 jylǵy 6 qańtarda Tramptyń jaqtastary 2020 jylǵy saılaý nátıjesіn bekіtý kezіnde Kongress ǵımaratyna basyp kіrgen bolatyn. Ol kezde Tramp AQSh prezıdentі qyzmetіn atqarǵan. Búlіk kezіnde bіrqatar adam qaza tapqan, onyń іshіnde bіr polıtsııa qyzmetkerі bar.
2024 jylǵy prezıdent saılaýynda Tramp jeńіske jetіp, 2025 jylǵy 20 qańtarda AQSh prezıdentі qyzmetіne qaıta kіrіstі.
Material avtory
