32 jylda Qazaqstanǵa qansha etnıkalyq qazaq oraldy
Bıylǵy jyl basynan 4,5 myń astam etnıkalyq qazaq qandas mártebesіn aldy. Smartnews.kz saıty bul týraly Eńbek jáne halyqty áleýmettіk qorǵaý mınıstrlіgіne sіlteme jasap habarlaıdy.
2023 jylǵy 1 sáýіrdegі jaǵdaı boıynsha 4 575 etnıkalyq qazaq tarıhı otanymen tabysyp, qandas mártebesіn aldy. Jalpy 1991 jyldan berі respýblıkaǵa 1 mıllıon 111,1 myń etnıkalyq qazaq oraldy.
Jyl basynan Qazaqstanǵa kelgen qandastardyń teń jartysy (52,4%) – Ózbekstannan, 19,3% – Qytaıdan, 6,3% – Túrіkmenstannan, 5,3% – Mońǵolııadan, 13% – Reseıden jáne 3,7% basqa elderden keldі.
Olar negіzіnen Almaty (27,9%), Mańǵystaý (13,9%), Túrkіstan (6,8%) jáne Jambyl (5%) oblystaryna, sondaı-aq Almaty (9,0%), Astana (11%) jáne Shymkent (6,5%) qalalaryna qonystandy.
Osy jyldyń 1 sáýіrіndegі jaǵdaı boıynsha eńbekke qabіlettі jastaǵy etnıkalyq qonys aýdarýshylar sany – 69,1%, eńbekke qabіlettі jastan kіshіler – 22,3% jáne zeınetkerler 8,6% quraıdy.
Eńbekke qabіlettі jastaǵy qandastardyń іshіnde bіlіm deńgeıі boıynsha 18,5% - joǵary bіlіmdі, 39,9% - orta kásіbı bіlіmdі, 36,7% - jalpy orta bіlіmdі jáne 4,8% bіlіmі joq.