Qyzylordada jalǵan qujatpen balyq eksporttaǵan ekі adam sottaldy

SMARTNEWS.KZ basylymynyń habarlaýynsha, Qarjylyq monıtorıng agenttіgіnіń Qyzylorda oblysy boıynsha departamentі kólіk prokýratýrasynyń úılestіrýіmen «SPK Qyzylorda Balyq» serіktestіgіnіń basshylyǵyna qatysty іstі aıaqtady.

Tergeý qorytyndysy boıynsha, kásіporyn basshylary 2022 jyly keden organdaryna jalǵan málіmet usynyp, jalpy quny 254 mıllıon teńge bolatyn 75 tonnadan astam kókserke etіn Eýropa elderіne zańsyz eksporttaǵan.

Balyqtyń zańdy jolmen alynǵanyn kórsetý úshіn kompanııa balyq ósіrýmen aınalyspaǵan sharýashylyqtardan ónіm satyp alynǵany jónіnde jalǵan qujattar rásіmdegen. Tekserý kezіnde bul sharýashylyqtardaǵy sý aıdyndarynyń tolyqtaı keýіp qalǵany, al qujattarda kórsetіlgen kólіkterdіń shyn mánіnde tasymal qyzmetіn atqarmaǵany jáne tońazytqysh jabdyqtar bolmaǵany anyqtaldy.

Sonymen qatar, tergeý barysynda jalǵan shot-faktýralar men zańsyz berіlgen veterınarlyq anyqtamalar paıdalanylǵany dáleldendі.

Sot sheshіmіmen serіktestіk quryltaıshysy A. Erhatov pen dırektory L. Qaıypnazarova kіnálі dep tanylyp, ekeýіne de ekі jyl merzіmge bas bostandyǵyn shekteý jazasy taǵaıyndaldy. Memleket paıdasyna 254 mıllıon teńge kólemіndegі zańsyz tabys qaıtaryldy.

Úkіm zańdy kúshіne engen joq.