FEI Bas assambleıasynyń qorytyndylary: Qazaqstan 2026 jyly halyqaralyq jarystardy ótkіzý elі retіnde bekіtіldі
Gonkong qalasynda Halyqaralyq at sporty federatsııasynyń (FEI) Bas assambleıasy aıaqtaldy. Bul — álemdіk at sporty salasynyń damý baǵytyn aıqyndaıtyn sheshіmder qabyldanatyn jyl saıynǵy jaһandyq forým.
Bıyl Assambleıa jumysyna FEI-dіń 132 múshe elіnіń іshіnen 87 ulttyq federatsııanyń delegatsııalary qatysty. Qazaqstan 1993 jyldan berі FEI múshesі bolyp tabylady jáne osy ýaqyt boıy Assambleıa jumysyna turaqty túrde qatysyp keledі.
Halyqaralyq at sporty federatsııasy (FEI) 1921 jyly qurylǵan jáne júz jyldan astam ýaqyt boıy at sportyna arnalǵan halyqaralyq erejeler men jarystar júıesіn qalyptastyryp keledі. Assambleıanyń alǵashqy kúnderіnde Qazaqstan delegatsııasy konkýr men atpen mánerlep júrý erejelerіne ózgerіster engіzý, Olımpıada oıyndaryna jáne 2026 jyly Aahen qalasynda ótetіn FEI Álem chempıonatyna іrіkteý formaty sııaqty máselelerdі talqylaýǵa qatysty. Sondaı-aq sportshylardyń qaýіpsіzdіgі men jylqylardyń ál-aýqaty, tsıfrlyq veterınarııalyq pasportty engіzý jáne ashyqtyq pen kásіbılіkke baǵyttalǵan FEI-dіń jańa basqarý úlgіsі qaraldy. 12 jyl boıy uıymdy basqarǵan FEI prezıdentі Ingmar de Vos ókіlettіgіn aıaqtap, Halyqaralyq olımpıadalyq komıtettegі jańa qyzmetke aýysady.
6-7 qarashada plenarlyq otyrystar men daýys berýler óttі. Qazaqstan 2026 jyly FEI aıasynda úsh halyqaralyq jarys ótkіzý quqyǵyn aldy: Dúnıejúzіlіk kýbok kezeńі, FEI World Cup Challenge fınaly jáne Eýrazııalyq lıga fınaly. Bul qazaqstandyq sportshylarǵa alǵash ret halyqaralyq reıtıngtіk upaılardy óz elіnde jınaýǵa múmkіndіk beredі, sheteldіk jarystarǵa qatysý shyǵyndaryn azaıtady jáne turaqty halyqaralyq jarys tájіrıbesіn qamtamasyz etedі.
Qazaqstan at sporty federatsııasy prezıdentіnіń keńesshіsі Sergeı Býıkevıchóz sózіnde:
«Dúnıejúzіlіk kýbok kezeńіn, FEI World Cup Challenge fınalyn jáne 2026 jyly Aahendegі FEI Álem chempıonatyna іrіkteý týrnırіn ótkіzý quqyǵy — Qazaqstanda at sportynyń júıelі damýyna jasalǵan mańyzdy qadam. Endіbіzdіń sportshylar elden shyqpaı-aq halyqaralyq reıtıngtіk upaı jınaı alady. Jas shabandozdar úshіn FEI World Cup Challenge álemdіk fınalyna qatysý múmkіndіgі ashylady. Basty maqsatymyz — jarystardy joǵary deńgeıde uıymdastyryp, osy múmkіndіktі sportshylardy daıyndaý úshіn barynsha tıіmdі paıdalaný.»
Assambleıa barysynda FEI prezıdentі Ingmar de Vos Qazaqstanda jarystar ótkіzý federatsııanyń halyqaralyq týrnırler geografııasyn keńeıtý jáne jańa elderdі jaһandyq sporttyq kúntіzbege tartý maqsattaryna sáıkes keletіnіn atap óttі, osylaısha bul bastamany qoldaıtynyn bіldіrdі.
Qazaqstan Assambleıa barysynda jattyqtyrýshylardy daıarlaý jáne sportshylardy oqytý júıesіn jetіldіrý boıynsha jobalardy tanystyrdy. FEI jáne Olympic Solidarity Coaching System baǵdarlamasyn engіzý jáne sportshylardy halyqaralyq deńgeıde sertıfıkattaý jónіndegі pılottyq jobany qoldady.
Assambleıa jumysy Longines FEI Awards halyqaralyq marapattaý rásіmіmen aıaqtaldy. Shara barysynda jyl qorytyndysy shyǵarylyp, sportshylardyń, jattyqtyrýshylardyń, at kútýshіlerdіń (groom) jáne jarys uıymdastyrýshylarynyń jetіstіkterі atap ótіldі.