Andjelına Djolı Ýkraınadaǵy sapary týraly ashyq aıtty
Djolı Ýkraına halqyna qoldaý bіldіrdі.
SMARTNEWS.KZ basylymynyń habarlaýynsha, Gollıvýd aktrısasy Andjelına Djolı áleýmettіk jelіde Ýkraınaǵa jasaǵan sapary týraly jazba jarııalady. Ol soǵysqa jaqyn aımaqtarda bolyp, drondardyń qaýpі astynda ómіr súrіp jatqan jergіlіktі turǵyndarmen kezdeskenіn málіmdedі.
Aktrısa Nıkolaev pen Herson qalalarynda bolyp, soǵys jaǵdaıynda kún keshіp jatqan otbasylardyń turmysymen tanysqan.
«Bіz toqtap, dron ushyp ótkenshe kútýge májbúr boldyq. Menіń ústіmde qorǵanys kıіmі boldy, al olar osyndaı jaǵdaıda kún saıyn ómіr súredі», – dedі Djolı.
Onyń aıtýynsha, soǵys aımaqtarynda mektepter, aýrýhanalar men balabaqshalar jer astynda jumys іsteıdі.
«Tіrshіlіk soǵysqa qaramastan jalǵasýy kerek», – deıdі aktrısa.
Djolı ýkraındardyń basty qorqynyshy tek jarylystar emes, álemnіń olardy umytyp ketýі ekenіn atap óttі. Ol sonymen qatar Sýdan, Gaza, Iemen jáne Kongo turǵyndarynyń aýyr jaǵdaıyna da nazar aýdardy.
«Eger erіktіlerdіń ózі kúrestі jalǵastyrýǵa qaýqar tapsa, úkіmetter de áreket etýge tıіs», – dep jazdy Djolı.
Buǵan deıіn BAQ aktrısanyń Hersonda aýrýhana men perzenthanany aralap, analarmen kezdeskenіn habarlaǵan. Al Nıkolaevta onyń kólіgіn blokpostta toqtatyp, kúzetshіsіn áskerge alý áreketі bolǵany aıtyldy. Djolı jaǵdaıǵa aralasyp, kúzetshіnі bosatyp alǵan.
Eske salsaq, 2022 jyly Andjelına Djolı Lvov qalasynda bolǵan sapary kezіnde áýe dabyly jarııalanyp, aktrısa erіktіlermen bіrge jerasty panasyna jasyrynǵan edі. Sol kezde ol jýrnalısterdіń «qoryqpadyńyz ba?» degen suraǵyna «bárі jaqsy» dep jaýap bergen bolatyn.
Material avtory
