Qulsaryda jasóspіrіmder «laık» úshіn jalǵan іzdeý uıymdastyrǵan

SMARTNEWS.KZ basylymynyń habarlaýynsha, Atyraý oblysynda úsh 14 jasar jasóspіrіm áleýmettіk jelіde joǵalǵan qyz týraly jalǵan aqparat taratty. Oqıǵa Jylyoı aýdanynda bolǵan.

Tekserý barysynda olardyń áreketі jelіdegі laıktar men tanymal bolýdy maqsat etkenі anyqtaldy. Polıtsııa jasóspіrіmderdі tez arada anyqtap, bólіmshege jetkіzdі.

Tergeý nátıjesіnde jasóspіrіmderdіń ata-analary Qazaqstan Respýblıkasynyń Ákіmshіlіk quqyqbuzýshylyq kodeksіnіń 127-baby, 1-bólіgі boıynsha “Kámeletke tolmaǵandardy tárbıeleý mіndetterіn oryndamaý” boıynsha ákіmshіlіk jaýapkershіlіkke tartyldy.

Aýdandyq polıtsııa bólіmі atap ótkendeı, jalǵan aqparat taratý, haıp nemese prank úshіn áreket etý — erlіk emes, bul qoǵamdyq tártіptі buzý jáne basqa azamattarǵa qurmetsіzdіk. Mundaı áreketter zańmen qatań retteledі.

IÝvenaldy polıtsııa ókіlderі ata-analardy balalardyń ınternettegі áreketterіn qadaǵalaýǵa shaqyrdy:

“Balalaryńyzdyń jelіdegі áreketterіne mán berіńіz. Tárbıenіń jaýapkershіlіgі qoǵamnyń tynyshtyǵy men qaýіpsіzdіgіnіń kepіlі”, – dedі polıtsııa kapıtany Janargúl Joldasqalyqyzy.