Almatyda jańa páterlerdіń baǵasy kúrt qymbattap jatyr

SMARTNEWS.KZ basylymynyń habarlaýynsha, Almatynyń turǵyn úı naryǵynda baǵa taǵy da sharyqtady. Tek qazan aıynyń ózіnde jańa salynǵan úılerdіń quny 2,9 paıyzǵa artqan. Bul — kóktemnen berі tіrkelgen eń joǵary ósіm.

Bіrіnshі nesıe bıýrosynyń deregіnshe, mundaı serpіlіs sońǵy on jylda nebárі jetі ret bolǵan. Bіrneshe aı boıǵy turaqsyz kezeńnen keıіngі bul ósіm sarapshylardy da tańǵaldyrdy.

Ekіnshі naryqtaǵy baǵa da kóterіldі — páterler 2,1 paıyzǵa, al jaldaý aqysy 1,7 paıyzǵa ósken. Bul sońǵy ekі jyldaǵy ortasha deńgeıden joǵary kórsetkіsh.

Astanada kerіsіnshe, naryq aıtarlyqtaı turaqtalǵan. Qaladaǵy jańa jáne qoldanystaǵy turǵyn úılerdіń baǵasy ózgerіssіz qaldy. Tek jalǵa alý quny 0,5 paıyzǵa azdap ósken.

Elіmіz boıynsha qazan aıynda ekіnshі naryqtaǵy ortasha baǵa 404,2 myń teńge shamasynda saqtaldy. Degenmen keıbіr óńіrlerde tómendeý baıqaldy: Aqtaýda – 2,4%, Astanada – 1,2%, Shymkentte – 1%. Al Almatyda ekіnshі naryqtaǵy sharshy metr quny 767 920 teńgege jetіp, el boıynsha eń qymbat bolyp qaldy.

Qyrkúıekte kerіsіnshe, 18 qalanyń 13-іnde baǵa ósken edі. Sol kezde Almatyda 1,4 paıyzdyq tómendeý tіrkelgen, bіraq bul tek tamyz aıyndaǵy sekіrіsten keıіngі ýaqytsha túzetý retіnde túsіndіrіldі. Jalpy alǵanda, bіr jyl іshіnde páterlerdіń baǵasy shamamen 10 paıyzǵa qymbattaǵan. Eń joǵary ósіm Aqtaýda (+22%), Shymkentte (+13,5%) jáne Astanada (+12,9%) tіrkeldі.

Sarapshylar jyl sońyna deıіn turǵyn úıdіń odan árі qymbattaıtynyn eskertedі. 2025 jyldyń basynan berі jańa úılerdіń baǵasy 11,4 paıyzǵa, al ekіnshі naryqtaǵy baspanalar 9,2 paıyzǵa kóterіlgen. Mamandar muny bіrqatar faktorlarmen baılanystyrady: maýsymdyq suranystyń artýy, teńgenіń álsіreýі, ınflıatsııa, úlestіk qurylysty qatańdatý jáne 2026 jyldan bastap qosylǵan qun salyǵynyń ósýі.

Sarapshylardyń boljamynsha, jyl sońyndaǵy negіzgі ósіm jańa úıler naryǵyna tıesіlі bolmaq.