Qaıǵy jutqan analardyń úndeýі: Toqaev Bas prokýrorǵa naqty tapsyrma berdі
Memleket basshysy aryz-shaǵymdy 12 kún іshіnde qaraýdy talap ettі.
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev Bas prokýrorǵa beıbіt ýaqytta áskerde qaza tapqan sarbazdardyń analarynan túsken aryz-shaǵymdy on ekі kún іshіnde qaraýdy tapsyrdy. Prezıdent іstі tergeý kezіnde zań talaptarynyń tolyq saqtalýyn qamtamasyz etýdі júktedі.
Buǵan deıіn Astanada qaza tapqan sarbazdardyń analary Qorǵanys mınıstrlіgіnen jaýap ala almaǵan soń narazylyqqa shyqqan edі. Olar balalarynyń ólіmіne qatysty іsterdіń jabýly kúıіnde qalyp, kіnálіlerdіń jazalanbaı otyrǵanyna narazy. Áıelder áskerı júıede túbegeılі reforma júrgіzýdі talap ettі.
Jýrnalıst Luqpan Ahmedıarovtyń málіmetіnshe, analardy sol kúnі Qorǵanys mınıstrі nemese onyń ókіlі qabyldaýy tıіs bolǵan. Alaıda oqıǵa ornyna kelgen polıtsııa qyzmetkerlerі jıynnyń zańsyz ekenіn aıtyp, azamattarǵa taraý jónіnde eskertý jasaǵan.
Áleýmettіk jelіde taraǵan beınejazbalardan analardyń «balalarymyzdyń ólіmі ádіl tergelsіn» degen talap qoıǵany anyq kórіnedі. Olardyń aıtýynsha, sońǵy jyldary áskerde bolǵan ólіm oqıǵalary ashylmaı, jaýapty tulǵalar jazadan qutylyp keledі.
Material avtory
