Reseı munaı alybynyń Iraktaǵy jumysy kúıredі

SMARTNEWS.KZ basylymynyń habarlaýynsha, Iraktaǵy «Lýkoıl» korporatsııasy AQSh sanktsııalarynan keıіn «fors-major» jarııalap, eldіń ońtústіgіndegі «Batys Kýrna-2» ken ornyndaǵy qyzmetіn іshіnara toqtatty. Bul týraly Reuters agenttіgі jazdy.

AQSh shekteýlerіnen soń Irak úkіmetі reseılіk kompanııamen barlyq esep aıyrysýdy toqtatty — dollarmen de, munaı túrіnde de tólem júrgіzіlmeıdі.

«Lýkoıl» Iraktyń munaı mınıstrlіgіne resmı hat joldap, qalypty jumysty jalǵastyrý múmkіn emestіgіn málіmdedі. Eger jaǵdaı alty aı іshіnde sheshіlmese, kompanııa ken ornyndaǵy óndіrіstі tolyq toqtatyp, jobadan shyǵýǵa májbúr bolady.

Reuters deregіnshe, SOMO ulttyq munaı kompanııasy «Lýkoılmen» eseptesý úshіn josparlanǵan tórt mıllıon barrelge jýyq munaı jóneltýdі toqtatqan. Qazіr «Batys Kýrna-2»-degі táýlіktіk óndіrіs shamamen 480 myń barreldі quraıdy — bul Irak munaıynyń 9 paıyzy.

Kompanııa jobadaǵy sheteldіk qyzmetkerlermen kelіsіmshartty buzyp, jumysty tek reseılіk jáne ıraktyq mamandar jalǵastyrýda.

Bolgarııa bılіgі Býrgas qalasyndaǵy «Lýkoıl» munaı óńdeý zaýytynda tekserіs bastady jáne qaýіpsіzdіk sharalaryn kúsheıttі. Premer-mınıstr Rosen Jelıazkov úkіmettіń zaýytty ýaqytsha memlekettіk baqylaýǵa alyp, keıіn jańa menshіk ıesіne satýǵa daıyn ekenіn málіmdedі.

Bul sheshіm elde qabyldanǵan jańa zańmen úılesedі: qujat sanktsııa qaýpі bar strategııalyq nysandarǵa syrtqy basqarý engіzýge múmkіndіk beredі.

Reuters málіmetіnshe, qazіrgі menedjment zaýytty satý týraly sheshіmge daý aıta almaıdy.

Buǵan deıіn Brıtanııa «Lýkoıldyń» Qazaqstandaǵy jobalaryn óz sanktsııasynan ýaqytsha bosatqan. Bul – «Teńіzshevroıldaǵy» 5%, Qarashyǵanaqtaǵy 13,5% jáne Kaspıı qubyr konsortsıýmyndaǵy 12,5% úlester.

Shekteýlerden bosatý 2027 jyldyń qazan aıyna deıіn jaramdy.

Qazan aıynyń sońynda «Lýkoıl» shveıtsarııalyq Gunvor Group kompanııasyna sheteldіk aktıvterіn satýǵa kelіsken edі. Bіraq AQSh Qarjy mınıstrlіgіnіń aıyptaýlarynan keıіn mámіle buzyldy. Gunvor Vashıngtonnyń málіmdemesіn «negіzsіz» dep ataǵanymen, kelіsіmdі toqtatýǵa májbúr boldy.

Sarapshylardyń pіkіrіnshe, bul jaǵdaı «Lýkoıldyń» aktıvterіn amerıkalyq jáne eýropalyq kompanııalar úshіn ashyq etýі múmkіn. Al yqtımal satyp alýshylar qatarynda «QazMunaıGaz» da bar — onyń basym satyp alý quqyǵy bar.

Taldaýshylardyń paıymdaýynsha, aktıvterdі satý – sanktsııany aınalyp ótýden górі qaýіpsіz nusqa, al Qazaqstan úshіn bul energetıkalyq aktıvterge baqylaýdy kúsheıtýdіń naqty múmkіndіgі.