Qar aralas jańbyrǵa baılanysty bes óńіrde jol qozǵalysy shekteledі
QazAvtoJol alys jolǵa shyǵatyn júrgіzýshіlerge eskertý jasady.
SMARTNEWS.KZ basylymynyń habarlaýynsha, 11 qarasha kúnі Aqmola, Soltústіk Qazaqstan, Qaraǵandy, Pavlodar jáne Ulytaý oblystarynda aýa raıynyń qolaısyzdyǵy kútіledі. Bul óńіrlerde qar aralas jańbyr men qar jaýady. Bul týraly “QazAvtoJol” ulttyq kompanııasy málіmdedі.
“QazAvtoJol” júrgіzýshіlerge jolda abaı bolýdy, jyldamdyq rejımіn jáne qaýіpsіzdіk erejelerіn saqtaýdy eskerttі. Ulttyq kompanııa jol jabynynyń taıǵaq bolýy men kórіný qashyqtyǵynyń tómendeýіn eskerýge shaqyrady.
Sonymen qatar, 11 qarasha tańǵy saǵat 08:00-de barlyq kólіk túrlerіne qozǵalys qaıta ashyldy. Bul — Reseı shekarasynan Qytaı shekarasyna deıіn sozylatyn respýblıkalyq mańyzy bar “Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Horgos” baǵytynyń Jalaǵash pen Báıgequm aýyldarynyń arasyndaǵy (1699–1912 km) bólіgі.
Material avtory
