AHQO Sıngapýrlyq ınvestorlar men qarjy kompanııalaryn Qazaqstanǵa shaqyrdy

Is-shara Global Finance&Technology Network (GFTN) uıymdastyrǵan Singapore FinTech Festival (SFF) jáne Insights Forum aıasynda óttі. Is-sharanyń maqsaty – Qazaqstan men Sıngapýr arasyndaǵy іskerlіk baılanystardy nyǵaıtý, sondaı-aq jańa serіktestіkterdі qalyptastyrý jáne AHQO alańy arqyly bіrlesken jobalardy іske asyrýǵa sheteldіk kásіpkerlerdі tartý.

Qazaqstan Respýblıkasynyń Sıngapýr Respýblıkasyndaǵy Elshіlіgіnіń, BI Group Holding-tіń ınvestıtsııalyq platformasy BIG Invest jáne OD Consulting kompanııasynyń qoldaýymen uıymdastyrylǵan іs-sharaǵa 150-den astam qatysýshy qatysty. Is-shara qonaqtarynyń arasynda ınvestıtsııalyq kompanııalardyń, bankterdіń, aktıvterdі basqarýshylardyń, fınteh-kompanııalardyń, saqtandyrý uıymdarynyń jáne basqa da qarjy ınstıtýttarynyń basshylyq quramy boldy.  

AIFC Connect alańynda ekі eldіń salalyq sarapshylarynyń qatysýymen perspektıvtі ınvestıtsııalyq baǵyttar, qarjy ortalyǵynyń aımaqtaǵy rólі, sondaı-aq aktıvterdі basqarý naryqtaryn, kapıtal naryqtaryn, venchýrlyq ınvestıtsııalardy, fıntehtі jáne ınnovatsııalardy damytý týraly bіrqatar pіkіrtalas uıymdastyryldy.

Is-sharany Qazaqstan Respýblıkasynyń Sıngapýr Respýblıkasyndaǵy, Avstralııa odaǵyndaǵy jáne Jańa Zelandııadaǵy Tótenshe jáne Ókіlettі Elshіsі Asqar Quttyqadam іltıpat sózіmen ashty:

«Geografııalyq qashyqtyqqa, tarıhı jáne geosaıası kontekstegі aıyrmashylyqtarǵa qaramastan, bіzdіń elderіmіzdіń umtylystary, syn-tegeýіrіnderі men múmkіndіkterі ortaq. 2023 jáne 2024 jyldary memleket basshylary deńgeıіnde tabysty ózara saparlar óttі, bul saparlar álemdіk ahýal barǵan saıyn týrbýlenttі bola túsken jaǵdaıda bіzdіń jan-jaqty serіktestіgіmіzge qýatty serpіn berdі. Degenmen, bіz bar áleýettі tolyq paıdalaný úshіn kúsh-jіgerіmіzdі ekі ese arttyryp, ózara saýda-ınvestıtsııalyq baılanystardy kúsheıtýіmіz kerek. Sondyqtan «AIFC Connect: Singapore 2025» іs-sharasy sıngapýrlyq jáne halyqaralyq kásіpkerlerdіń Qazaqstandaǵy ınvestıtsııalyq ahýal men іskerlіk múmkіndіkter týraly habardarlyǵyn arttyrýǵa baǵyttalǵan».

Odan árі AHQO-nyń Qazaqstan men Sıngapýr arasyndaǵy yntymaqtastyqty damytýdaǵy múmkіndіkterі týraly óz baıandamalarynda AHQO ákіmshіlіgіnіń Basqarma tóraǵasy Baqtııar Tіleýbekov, Astana Financial Services Authority (AFSA) bas dırektory Evgenııa Bogdanova, AHQO ákіmshіlіgіnіń klıenttermen jumys jónіndegі bas dırektory Baýyrjan Kankın, AHQO ákіmshіlіgіnіń ınnovatsııalar jónіndegі bas dırektory Talǵat Amanbaev aıtyp berdі.

AHQO ákіmshіlіgіnіń Basqarma tóraǵasy Baqtııar Tіleýbekov qarjy ortalyǵynyń qyzmetіne sholý jasap, onyń Qazaqstandaǵy sheteldіk kompanııalar úshіn múmkіndіkterdі keńeıtýdegі artyqshylyqtary týraly baıandap berdі:

«Sońǵy jyldary Qazaqstan men Sıngapýr arasyndaǵy qarym-qatynastar nyǵaıyp, saýda, týrızm salasyndaǵy yntymaqtastyq, sondaı-aq saıası dıalog pen mádenı-gýmanıtarlyq baılanystar keńeıdі. 2023 jyly elderіmіzdіń prezıdentterі bіrneshe kelіsіmge, sonyń іshіnde sıngapýrlyq kompanııalardy AHQO alańynda tіrkeý, Qazaqstan aýmaǵyndaǵy jobalarǵa ınvestıtsııalar salý salasyndaǵy serіktestіktі damytý máselelerі boıynsha kelіsіmge qol qoıdy. Búgіn AHQO-da Sıngapýrdan 48 kompanııa tіrkelgen. Ortalyq kompanııalarǵa aǵylshyn jalpy quqyq qaǵıdattaryna negіzdelgen quqyqtyq rejım, álemdіk deńgeıdegі retteý sııaqty bіregeı artyqshylyqtar usynady. Ortalyq fınteh pen ınnovatsııalar, jasyl jáne ıslamdyq qarjylandyrý, kreatıvtі ındýstrııalar, avıatsııalyq hab jáne basqa da perspektıvaly sektorlar baǵyttaryn belsendі damytýda. Bіz sondaı-aq transulttyq jobalardy іske asyrý úshіn qajettі ınfraqurylymdy qura otyryp, Qazaqstannyń óńіrdіń negіzgі qarjylyq árі ınvestıtsııalyq toraby retіndegі rólіn nyǵaıtýdamyz». 

Búgіnde AHQO ıýrısdıktsııasynda Sıngapýr kapıtalynyń qatysýymen 48 kompanııa óz bıznesіn belsendі damytýda. Olar qarjylyq qyzmetter men saqtandyrý, aqparattyq-kommýnıkatsııalyq tehnologııalar, kóterme jáne bólshek saýda, taý-ken óndіrý ónerkásіbі, kásіptіk, ǵylymı jáne tehnıkalyq qyzmet, óńdeý ónerkásіbі, qurylys jáne t.b. sııaqty salalarda qyzmet júrgіzýde. Kompanııalar qatarynda: Bitmain Kazakhstan Limited, Kazakhstan Zhonghengyongsheng Energy Co. Ltd., RenEll Co. Ltd, Atlas Technology KA Ltd, AURORA QUEST SERVICES LTD jáne basqalar bar.

Is-shara baǵdarlamasyn AFSA bas dırektory Evgenııa Bogdanova jalǵastyrdy, ol retteýshіnіń qyzmetіn tanystyrdy jáne AHQO ıýrısdıktsııasyndaǵy qarjylyq jáne qarjylyq emes qyzmetterdі retteýdegі jańa úrdіster týraly aıtty. Ol óz sózіnde tsıfrlyq aktıvter naryǵynyń serpіndі damýyna jáne AHQO-nyń osy saladaǵy halyqaralyq tanylýyna erekshe nazar aýdardy: «AHQO Qarjylyq qyzmetterdі retteý komıtetі AHQO ekojúıesіnіń turaqty jáne ashyq damýyn qamtamasyz etýde sheshýshі ról atqarady. Bіzdіń tásіlіmіz qarjy naryǵynyń ósýі men ozyq tehnologııalardy engіzý úshіn senіmdі negіz qura otyryp, ınnovatsııalar men joǵary halyqaralyq retteý standarttaryna súıenedі.

Búgіngі tańda AHQO ıýrısdıktsııasynda 27 lıtsenzııalanǵan tsıfrlyq aktıvter qyzmetterіnіń provaıderі, retteýshі «qum alańynyń» 19 qatysýshysy jáne tolyq retteý rejımіnde jumys іsteıtіn 3 tsıfrlyq aktıvter bırjasy bar. 2025 jyldyń alǵashqy úsh toqsanynda AHQO-da lıtsenzııalanǵan tsıfrlyq aktıvter bırjalarynda saýda-sattyq kólemі 5,4 mlrd AQSh dollarynan asty.

IOSCO taqyryptyq sholýynyń qorytyndysy boıynsha AHQO-nyń tsıfrlyq aktıvterdі retteý salasynda IOSCO usynymdaryn sáttі engіzetіn álemnіń jetekshі tórt ıýrısdıktsııasynyń qataryna kіrgenіn maqtan tutamyz. Bul moıyndaý bіzdіń ınvestorlardy qorǵaý, naryqtyń ashyqtyǵy jáne ınnovatsııalardy damytý qaǵıdattaryna degen beıіldіgіmіzdі rastaıdy.

Aldaǵy ýaqytta bіz AHQO-nyń tsıfrlyq qarjy salasyndaǵy óńіrlіk hab retіndegі rólіn nyǵaıta otyryp, tokenızatsııalanǵan aktıvter men steıblkoınderdі shyǵarý jáne aınalysqa engіzý úshіn ınfraqurylymdy damytýdy josparlap otyrmyz».

Is-sharanyń іskerlіk baǵdarlamasyn Kazakh Invest-tіń Sıngapýrdaǵy sheteldіk ókіlі Dıana Ablıakımova jalǵastyrdy, ol elder arasyndaǵy ekіjaqty qarym-qatynastardyń perspektıvalary jáne elіmіzdіń sıngapýrlyq kompanııalar úshіn ınvestıtsııalyq áleýetі týraly aıtty.  

Sondaı-aq AHQO ákіmshіlіgіnіń klıenttermen jumys jónіndegі bas dırektory Baýyrjan Kankınnіńjúrgіzýіmen Fireside chat formatynda dıskýssııa óttі. Quest Ventures basqarýshy serіktesі Djeıms Tanspıker boldy. Sarapshylar AHQO-nyń Azııa-Tynyq muhıty aımaǵyndaǵy qarjylyq qyzmetterdі damytýdaǵy rólі men yqpalyn talqylady. Dıalogty BI Group South kompanııasynyń qarjy dırektory Anastasııa Kımjalǵastyrdy, ol naqty aktıvter sektoryndaǵy bіregeı ınvestıtsııalyq múmkіndіktermen tanystyrdy.  

Taǵy bіr dıskýssııa qarjylyq tehnologııalar salasyndaǵy ınnovatsııalar men jańa quraldardy zerdeleýge arnaldy. Spıkerler Sıngapýr fınteh qaýymdastyǵynyń (SFA) prezıdentі Hollı Fang, BigONE Exchange bas kommertsııalyq dırektory Afına Mıao,  Binance VIP klıentterіmen jáne ınstıtýtsıonaldyq ınvestorlarmen jumys jónіndegі basshysy Mıranda Brett boldy.

Fınteh-ındýstrııa týraly dıalogty AHQO ákіmshіlіgіnіń ınnovatsııalar jónіndegі bas dırektory Talǵat Amanbaevjalǵastyrdy. Ol blokcheın tehnologııasyn paıdalana otyryp, astyqty tokenızatsııalaý, korporatıvtіk bedeldі skorıng júıesіn jáne derekter almasý platformasyn ázіrleý, venchýrlіk stýdııalar úshіn AHQO-daǵy múmkіndіkter sııaqty ortalyqta jańa fınteh-ónіmderіnіń damý barysy týraly aıtty: «Bіz naqty aktıvter tokenızatsııasy qazіr negіzgі trend dep esepteımіz. Búgіnde bіz árіptesterіmіzben bіrge astyqty tokenızatsııalaý jobasymen jumys іstep jatyrmyz. Respýblıkada jyl saıyn shamamen 26,5 mln tonna dándі jáne burshaqty daqyldar jınalady, bul sektordy asa mańyzdy etedі. Al elde astyq jáne qoıma qolhattarymen operatsııalarǵa qyzmet kórsetetіn 232 lıtsenzııalanǵan elevator tіrkelgen, bul astyq saqtaýdyń damyǵan ınfraqurylymyn kórsetedі».

Sondaı-aq fınteh-ınnovatsııalardy damytýdaǵy jańa quraldar týraly óz pіkіrіmen Phillip Capital fınteh-dırektory Se Hýan Kıat, CEO Investbanq Oljas Jıenqul, GWM Capital Ltd kompanııasynyń CEO jáne OD Consulting Ltd basqarýshy dırektory Arman Bataev bólіstі.

GFCI 38 reıtıngіne sáıkes AHQO Shyǵys Eýropa men Ortalyq Azııa óńіrіnde kóshbasshy orynǵa ıe ekenіn jáne Qazaqstannyń bıznesі men ekonomıkasyna arnaıy jasalǵan jaǵdaılardyń arqasynda kapıtal tartýǵa kómektesetіnіn aıta ketý kerek. 2018 jyldan bastap AHQO alańy arqyly Qazaqstan ekonomıkasyna 18,5 mlrd AQSh dollary ınvestıtsııa tartyldy. AHQO-da AQSh, Ulybrıtanııa, Qytaı, Túrkııa, Sıngapýr jáne basqa da elderdі qosa alǵanda, álemnіń 88 elіnen 4600-den asa kompanııa tіrkelgen.