Amerıkalyq munaı alyby Qazaqstandaǵy jobalarǵa basymdyq bermek

SMARTNEWS.KZ basylymynyń habarlaýynsha, Amerıkalyq munaı alyby Chevron 13 qarashada Nıý-Iorkte ótetіn ınvestorlar kúnіnde ózіnіń damý strategııasyn tanystyrmaq. Bul jıyn kompanııanyń Hess korporatsııasyn 55 mıllıard dollarǵa satyp alý mámіlesіn aıaqtaǵannan keıіngі alǵashqy іrі shara bolmaq.

Reuters agenttіgіnіń habarlaýynsha, ınvestorlar kompanııa basshysy Maık Ýırtten Qazaqstandaǵy Teńіz jobasy jónіnde jańa málіmet kútýde.

Basylym deregіnshe, Teńіz ken ornyn keńeıtý jobasy tolyq іske qosylyp, endі turaqty qarjy aǵyny kezeńіne óttі. Bul Chevron kompanııasynyń kapıtalyna túsetіn qysymdy azaıtyp, jańa ken oryndaryn barlaýǵa jáne óndіrіstі ulǵaıtýǵa múmkіndіk bermek.

Chevron men Qazaqstan arasyndaǵy kelіsіmshart 2033 jyly aıaqtalady. Qazіr taraptar onyń merzіmіn uzartý boıynsha kelіssóz júrgіzіp jatyr. Maık Ýırttіń aıtýynsha, kelіssózder sáttі bastalǵanymen, álі bastapqy kezeńde tur.
«Bul uzaq ýaqytty qajet etedі. Kelіsіmsharttyń qurylymy kúrdelі», – dedі ol.

Chevron Qazaqstan ekonomıkasyna tіkeleı ınvestıtsııa quıyp otyrǵan eń іrі sheteldіk kompanııalardyń bіrі sanalady. Teńіz jáne Qarashyǵanaq jobalary eldegі munaı óndіrýdіń eleýlі bólіgіn qamtamasyz etedі. Sarapshylardyń pіkіrіnshe, Teńіz keńeıý jobasynyń aıaqtalýy kompanııa úshіn de, Qazaqstan úshіn de jańa ekonomıkalyq kezeńnіń bastaýy bolmaq.

Kompanııanyń aldaǵy jyldarǵa arnalǵan jospary men qarjy strategııasy ınvestorlar arasynda úlken qyzyǵýshylyq týdyryp otyr. Chevron basshylyǵy Qazaqstandaǵy operatsııalyq shyǵyndardy ońtaılandyrýmen qatar, kómіrsýtek óndіrіsіn ekologııalyq turǵyda tıіmdі etýge de nazar aýdaratynyn málіmdedі.