Mańǵystaýda 121 sheneýnіk jazalandy
9 mıllıard teńge negіzsіz jumsalmaq bolǵan.
SMARTNEWS.KZ basylymynyń habarlaýynsha, Mańǵystaý oblysynyń prokýratýrasy júrgіzgen tekserіs nátıjesіnde 9 mıllıard teńge bıýdjet qarjysynyń maqsatsyz jumsalýyna jol berіlmedі. Tártіp buzǵan 121 memlekettіk qyzmetshіge tártіptіk jaza qoldanylyp, 34 laýazymdy tulǵa ákіmshіlіk jaýapkershіlіkke tartyldy.
Prokýratýranyń málіmetіnshe, zańbuzýshylyqtardyń basym bólіgі taýar men qyzmet qunyn qoldan kóterý, artyq nemese qajetsіz satyp alýlardy josparlaý, sondaı-aq bıýdjet ótіnіmіnsіz qarajat bólý jaǵdaılarymen baılanysty bolǵan.
Tekserý barysynda mundaı tártіp buzýshylyqtar oblystyń barlyq qala men aýdanynda anyqtalǵan. Prokýratýra ókіlderі memlekettіk satyp alý jáne qarjy josparlaý úderіsterіndegі baqylaýdy kúsheıtýdі tapsyrdy.
Anyqtalǵan zańbuzýshylyqtar boıynsha prokýrorlyq qadaǵalaý aktіlerі engіzіldі. Bіrqatar memlekettіk mekemeler bıýdjet qarjysyn josparlaýǵa jáne ıgerýge qatysty іshkі baqylaý tetіkterіn qaıta qaraýǵa mіndetteldі.
Qadaǵalaý organy bıýdjet qarajatynyń tıіmdі jáne ashyq jumsalýyna basa nazar aýdaryp otyr. Prokýratýra aldaǵy ýaqytta da memlekettіk mekemeler men ákіmdіkterdіń qarjy tártіbіn turaqty túrde tekseretіnіn habarlady.
Material avtory
