Endі baǵasy qymbattaǵan dárі úshіn onlaın shaǵymdanýǵa bolady

SMARTNEWS.KZ basylymynyń habarlaýynsha, elіmіzde dárі-dármek baǵasyn baqylaý jáne dárіhanalarǵa onlaın shaǵym berý júıesі іske qosyldy. Bul týraly Densaýlyq saqtaý mınıstrlіgі habarlady.

Mınıstrlіktіń málіmetіnshe, «Naqty Ónim» mobıldі qosymshasynda ár azamat dárіnіń shektі baǵasyn tekserіp, baǵasy qymbat dárіhanalarǵa onlaın shaǵym túsіre alady. Bul qyzmet «Qazaqtelekom» kompanııasymen bіrlesіp ázіrlengen.

2024 jyldyń shіldesіnen bastap Qazaqstanda satylatyn barlyq dárі-dármek mіndettі tańbalaýdan ótedі. Bul júıe ónіmnіń óndіrіsten bastap dárіhana sóresіne deıіngі jolyn tolyq baqylaýǵa múmkіndіk beredі.

Tańbalaý júıesіnіń arqasynda tegіn berіletіn dárіlerdіń zańsyz satylymy áshkerelenіp, Bas prokýratýramen bіrlesken tekserýler bastalǵan. Mınıstrlіktіń deregіnshe, bul ashyqtyq farmatsevtıka salasyndaǵy salyq túsіmіn 24 paıyzǵa arttyrǵan.

Joba azamattarǵa naqty baǵa men dárі qozǵalysyn baqylaýǵa múmkіndіk berse, memleketke naryqtaǵy ádіldіktі qamtamasyz etýge jol ashady. Bul dárіhana salasyndaǵy ashyqtyq pen tutynýshy quqyǵyn qorǵaýda mańyzdy qadam sanalady.