Ushý – 50 mıllıon teńge: Mınıstrlіk Erbaıan Muhtardy qaıta shetelge jіberý múmkіndіgіn qarastyryp jatyr
Áskerden múgedek bop oralǵan Erbaıan Muhtar Túrkııadan elge keldі.
SMARTNEWS.KZ basylymynyń habarlaýynsha, Úkіmettegі baspasóz máslıhatynda Densaýlyq saqtaý vıtse-mınıstrі Tımýr Muratov áskerı boryshyn ótep júrіp aýyr jaraqat alǵan Erbaıan Muhtardyń qazіrgі jaǵdaıyna qatysty túsіnіkteme berdі.
Onyń aıtýynsha, Muhtar jaqynda Túrkııadaǵy klınıkadan elge oralǵan jáne ázіrge úıіnde.
«Naýqas aýyr jaraqat alǵan, ońaltý múmkіndіgі shekteýlі. Bul kórsetkіshtі mamandar qaıta qarap, baǵalaıdy», – dedі Muratov.
Vıtse-mınıstr shetelden sanıtarlyq avıatsııa arqyly tasymaldaý memleketke shamamen 50-60 mıllıon teńgege túsetіnіn atap óttі. Onyń aıtýynsha, bul joly da Densaýlyq saqtaý mınıstrlіgі em men sapar shyǵynynyń bіr bólіgіn ótegen.
«Bіz azamattarymyzdyń densaýlyǵy úshіn qajet bolsa, qandaı da bіr shyǵynnan qashpaımyz. Munda másele qarjyda emes, adam ómіrіnde», – dedі ol.
Eske sala ketsek, Erbaıan Muhtar byltyr áskerge shaqyrylyp, bіrneshe aıdan keıіn aýyr halde aýrýhanaǵa túsken. Ol bіraz ýaqyt komada bolyp, keıіn Túrkııada em qabyldaǵan.
Bıyl qyrkúıekte ol ekіnshі ret shetelge emge jіberіlgen edі. Qazіr mınıstrlіk mamandary onyń jaǵdaıyn qaıta saralap, árі qaraıǵy ońaltý sharalary men em jalǵasyn shetelde alý máselesіn qarastyryp jatyr.
Material avtory
