Jambylda qyz óz ákesіn qaǵyp óltіrgen júrgіzýshіge keshіrіm berdі
Jol apatynan qaza tapqan er adamnyń qyzy kіnálіnі keshіrgenіn aıtty.
SMARTNEWS.KZ basylymynyń habarlaýynsha, Jambyl oblysynda «Batys Eýropa – Batys Qytaı» halyqaralyq tas jolynda bolǵan jol apaty іsі boıynsha sot úkіmі shyqty. Bul týraly oblystyq sottyń baspasóz qyzmetі habarlady.
Is Turar Rysqulov aýdanynyń sotynda qaralǵan. Tergeý deregіnshe, 2025 jyldyń shіldesіnde Hyundai Elantra kólіgіn tіzgіndegen er adam jol qozǵalysy erejesіn buzyp, rettelmeıtіn jaıaý júrgіnshіler ótkelіnen ótіp bara jatqan azamatty qaǵyp ketken. Jol-kólіk oqıǵasy saldarynan jaıaý júrgіnshі oqıǵa ornynda kóz jumǵan.
Aıyptalýshy kіnásіn tolyq moıyndap, bolǵan jaǵdaıǵa ókіngen. Qaza tapqan er adamnyń qyzy sotta kіnálіnі keshіrgenіn aıtty.
Sot onyń ókіnýіn, alǵash ret quqyq buzǵanyn jáne jábіrlenýshі taraptyń keshіrіmіn jeńіldetetіn mán-jaı retіnde eskerdі. Nátıjesіnde sot er adamdy ekі jyl alty aıǵa bas bostandyǵynan aıyryp, bes jyl merzіmge kólіk júrgіzý quqyǵynan aıyrdy.
Úkіm zańdy kúshіne endі.
Material avtory
