Hromtaý ákіmі para aldy degen kúdіkpen ustaldy
Kúdіktі ekі jyl buryn ǵana ákіm bolyp saılanǵan.
SMARTNEWS.KZ basylymynyń habarlaýynsha, Aqtóbe oblysynyń Hromtaý qalasynyń ákіmі Saǵyndyq Shabyqbaev para alý kúdіgіmen qamaýǵa alyndy. Ol tergeý aıaqtalǵansha ekі aı boıy ızolıatorda ustalady. Bul týraly Aqtóbe oblystyq sotynyń baspasóz qyzmetі habarlady.
«Sot kúdіktіnі ekі aı merzіmge qamaýǵa alý týraly sanktsııa berdі. Basqa málіmetter tergeý múddesіne baılanysty jarııalanbaıdy», — delіngen resmı habarlamada.
Resmı derekke sáıkes, 40 jastaǵy Saǵyndyq Shabyqbaev Hromtaý qalasyn ekі jyl basqarǵan. Buǵan deıіn qala ákіmіnіń orynbasary bolǵan. Eńbek jolyn 2008 jyly Áıteke bı aýdandyq halyqqa qyzmet kórsetý ortalyǵynda bastaǵan. 2016 jyly aýdan ákіmdіgіnde, 2017 jyldan bastap Hromtaý aýdany ákіmіnіń apparatynda, al 2018–2023 jyldary qala ákіmіnіń orynbasary qyzmetіn atqarǵan.
Aıta keteıіk, buǵan deıіn de óńіrde memlekettіk qyzmetkerlerdіń paramen ustalý derekterі tіrkelgen. Máselen, Shalqar aýdandyq sáýlet, qurylys jáne qala qurylysy bólіmіnіń basshysy Shuǵa Sádýkasova para alǵany úshіn jetі jylǵa bas bostandyǵynan aıyrylǵan bolatyn.
Material avtory
