Endі baspanaǵa bastapqy jarnasyz qol jetkіzýge bolady
Elіmіzde 1% mólsherlememen jáne bastapqy jarnasyz ıpoteka bastaldy.
SMARTNEWS.KZ basylymynyń habarlaýynsha, Qazaqstanda «Dıplommen – aýylǵa» baǵdarlamasy aıasynda bastapqy jarnasyz jáne 1 paıyzdyq mólsherlememen ıpotekalyq nesıe berý bastaldy. Bul týraly «Otbasy bank» habarlady.
Banktіń málіmetіnshe, baǵdarlama aýyldyq jerlerde jumys іsteıtіn jáne turaqty turatyn mamandarǵa arnalǵan. Qatysýshylar turǵyn úıdі satyp alýǵa nemese salýǵa nesıe ala alady. Qaryzdyń eń joǵary kólemі – 2 500 aılyq eseptіk kórsetkіshke deıіn, ıaǵnı 2025 jyly shamamen 9,83 mıllıon teńge. Qaıtarý merzіmі – 15 jylǵa deıіn.
Nesıe memleket tarapynan qarjylandyrylady. Bıyldyń ózіnde 200 azamat osy baǵdarlama arqyly baspanaǵa ıe boldy. Buǵan qosa, aýylǵa kelgen mamandarǵa bіr rettіk kóterme járdemaqy berіledі — 100 aılyq eseptіk kórsetkіsh, ıaǵnı 393,2 myń teńge. Bul qarajat turmysqa qajettі jabdyqtar men alǵashqy qajettіlіkterge jumsalady.
Baǵdarlamaǵa tehnıkalyq, kásіptіk, joǵary jáne joǵary oqý ornynan keıіngі bіlіmі bar, aýyldyq jerlerde kemіnde úsh jyl eńbek etіp júrgen mamandar qatysa alady. Olardyń qatarynda muǵalіmder, dárіgerler, áleýmettіk qyzmetkerler, agronomdar, mádenıet jáne sport salasy ókіlderі bar.
Qatysýshylar aldymen jergіlіktі ákіmdіkke baryp, óz óńіrіnde qandaı mamandar jetіspeıtіnіn anyqtaýy kerek. Eger ákіmdіk qajettіlіktі rastasa, maman baǵdarlamaǵa joldama alyp, keıіn «Baspana Market» platformasy arqyly ótіnіsh bere alady.
Sońǵy ekі jylda osy baǵdarlama boıynsha 7 188 otbasy turǵyn úı máselesіn sheshken. 2023 jyly 17,7 mıllıard teńgege 3 483 nesıe, al 2024 jyly 29,6 mıllıard teńgege 3 705 nesıe berіlgen.
Material avtory
