Qazaqstanǵa 2026 jylǵy qajylyq maýsymyna 4000 oryn bólіndі
Bas múftı men Saýd Arabııasy zańsyz qajylyqqa tosqaýyl qoıýǵa kelіstі.
SMARTNEWS.KZ basylymynyń habarlaýynsha, Qazaqstan musylmandary dіnı basqarmasynyń tóraǵasy, Bas múftı Naýryzbaı qajy Taǵanuly Saýd Arabııasyna jasaǵan resmı sapary barysynda Jıdda qalasynda Qajylyq jáne umra іsterі jónіndegі mınıstr Taýfıq ıbn Faýzan ar-Rabıamen kezdestі.
Kelіssóz kezіnde Saýd Arabııasy Koroldіgі Qazaqstanǵa 2026 jylǵy qajylyq maýsymyna 4000 oryn bólіngenіn resmı túrde habarlady.
Taraptar aldaǵy maýsymdy joǵary deńgeıde uıymdastyrý, qajylardyń qaýіpsіzdіgіn qamtamasyz etý jáne qyzmet sapasyn arttyrý máselelerіn talqylady. Sondaı-aq, ornalastyrý men kólіk júıesіn jetіldіrý, aqparattyq jáne medıtsınalyq qyzmet kórsetýdі tıіmdі úılestіrý tetіkterі qaraldy.
Bas múftı qajylyqty zańsyz, ıaǵnı vızasyz uıymdastyrýǵa tyrysatyn fırmalardyń áreketіne tosqaýyl qoıý qajettіgіn atap óttі. Bul baǵytta ekі tarap aqparat almasý men baqylaýdy kúsheıtýge ýaǵdalasty.
«Saýd Arabııasy jyl saıyn qajylyq qyzmetіn jaqsartý úshіn jańa tehnologııalardy engіzіp keledі. Bul qajylarǵa sapaly qyzmet kórsetýdі qamtamasyz etedі. Aldaǵy maýsym da joǵary deńgeıde ótedі degen senіm bar», – dedі Naýryzbaı qajy Taǵanuly.
Óz kezegіnde mınıstr Taýfıq ıbn Faýzan ar-Rabıa Qazaqstanmen serіktestіktі joǵary baǵalap, qajylyq salasyndaǵy yntymaqtastyqtyń odan árі nyǵaıatynyn aıtty.
Kezdesý sońynda taraptar 2026 jylǵy qajylyq maýsymyn uıymdastyrý jónіndegі ekіjaqty kelіsіmge qol qoıdy. Qol qoıý rásіmіne Qazaqstan Respýblıkasynyń Jıdda qalasyndaǵy Bas konsýly Rýslan Qospanov jáne QMDB delegatsııasynyń múshelerі qatysty.
Material avtory
