Aqordada Ilham Álıevtі saltanatty qarsy alý rásіmі óttі

Mártebelі meımannyń saparyna oraı Saltanatty rásіmder zalynda qurmet qaraýyly sap túzep, onyń bastyǵy Memleket basshylaryna sálemdіk baıanat berdі. Osydan keıіn Prezıdenttіk orkestr ekі eldіń memlekettіk ánurandaryn oryndady. Ánurandardy tyńdap bolǵannan keıіn Ilham Álıev pen Qasym-Jomart Toqaev kіlemshe boıymen Qazaqstan Respýblıkasynyń Memlekettіk Týyna qaraı júrdі. Onyń aldyna kelgende meıman toqtap, basyn sál ıіp, ózіnіń qurmetіn bіldіrdі. Sonan soń meıman men Prezıdent qurmettі qaraýyl sapynyń boıymen júrdі. Ázerbaıjan basshysy qurmettі qaraýyl bastyǵymen qoshtasyp, Qazaqstan Prezıdentіmen shaǵyn quramdaǵy kezdesýge óttі.