«QazMed Volunteers» erіktіlerі qan tapsyrý aktsııasyn uıymdastyrdy
Astana qalasynda Qan ortalyǵy men Astana medıtsına ýnıversıtetіnіń qoldaýymen mańyzdy áleýmettіk bastama júzege asty.
Onkologııamen aýyratyn búldіrshіnder úshіn bіr kún іshіnde 89 erіktі donor qan tapsyrdy, nátıjesіnde jalpy kólemі 31,5 lıtr qan jınaldy.
Bul ıgі іs-shara - «QazMed Volunteers» erіktіler uıymynyń bastamasymen jáne Qan ortalyǵynyń serіktestіgіmen ótken ortaq joba. Aktsııanyń basty maqsaty - jastar arasynda qan donorlyǵy mádenıetіn damytý, sondaı-aq erіk-jіger, meıіrіmdіlіk pen áleýmettіk jaýapkershіlіk sııaqty adamı qundylyqtardy nasıhattaý boldy.
Qan tapsyrý – adam ómіrіn saqtap qalýǵa baǵyttalǵan eń іzgі amaldardyń bіrі. Árbіr tapsyrylǵan qan tamshysy – bіreýdіń ómіrіn jalǵastyrýǵa múmkіndіk. Osyndaı sharalar arqyly jastar qoǵamǵa naqtyúles qosyp, jaqsylyq jasaýdyń shynaıy qýanyshyn sezіnedі.
Uıymdastyrýshylardyń aıtýynsha, aldaǵy ýaqytta da qaıyrymdylyqpen erіktіlіkke baǵyttalǵan jobalar jalǵasady. Bul bastama medıtsınalyq erіktіlіktіń qoǵamdaǵy mańyzyn arttyryp, jastardyń belsendі azamattyq ustanymyn nyǵaıta túspek.
