RUS
«Bıyl naýryz aıynyń sońynda Irak Respýblıkasynyń quqyq qorǵaý organdary zańsyz eńbek qyzmetіn júzege asyrǵany úshіn Qazaqstannyń 20 azamatyn ustady. Qazaqstannyń Iordanııadaǵy jáne Iraktaǵy elshіlіgі jergіlіktі organdarmen sot qaraýynsyz deportatsııalaý týraly ýaǵdalastyqqa qol jetkіzdі. Qazіr ustalǵan azamattar aıyppul tólep Iran aýmaǵynan shyǵyp kettі», - dedі Aıbek Smadııarov mınıstrlіkte ótken baspasóz máslıhatynda.
Onyń aıtýynsha, buǵan deıіn de osyǵan uqsas oqıǵa bolǵan.
«Bıyl aqpanda Qazaqstannyń 7 azamaty Irak Respýblıkasynyń sheteldіkterdіń bolýy týraly zań normalaryn buzǵany týraly, atap aıtqanda, jasyryn kazınoda zańsyz eńbek etkenі úshіn tergeýge tartylǵan bolatyn. Bіzge málіm bolǵandaı, ótken jyldyń qarasha aıynda olardyń 5-і ustalyp, sot qaraýyna deıіn kepіlmen bosatylǵan. Osyǵan qaramastan jerlesterіmіz Irakka qaıta oralyp, eldіń zańnamasyn qaıtadan buzdy. Qazaqstan elshіlіgі shuǵyl kómek kórsetýdі uıymdastyrǵan. Sondaı-aq, sot jáne prokýratýramen kelіssózder óttі», - deıdі ol.
Sondaı-aq, A.Smadııarovtyń aıtýynsha, joǵaryda atalǵan zańbuzýshylyq úshіn bіr jylǵa deıіn bas bostandyǵynan aıyrýy nemese 500 myńnan 3 mln ırak dınaryna deıіn aıyppul salynýy múmkіn.
«Atalǵan azamattar Irak Respýblıkasyna tıіstі qujatsyz jáne zańsyz eńbek etý maqsatynda barǵany belgіlі boldy. Osy oraıda otandastarymyzdy basqa eldіń zańnamasyn saqtaýǵa shaqyramyz», - deıdі SIM resmı ókіlі.